Dumandes y respostes

 

[Ejam]

Costa pa l ejam zeche?


Sibe l ejam de bilinguism che l ejam de ladin ie debant.

Data: 23.4.2014
[Ejam]

Co possen pa se njinië al ejam?


Uniun/Uniuna possa crì ora i cursc, i materiai o i mesuns che l/la miena sibe plu adatei per arjonjer l livel de cumpetënza linguistica dejidrà. Pra l ejam tënden a dé mpurtanza ala cumpetënzes individueles che l candidat/la candidata puderà mustré pra la proes, pervia che les vëij danora, danter l auter, na produzion liedia sibe tl scrit che a usc. Perchël ne vëniel nia scrit dant indicazions o abinedes terminologiches lientes. L urientamënt va de viers de ti dé ala cunescënzes arjontes na funzion mé comunicativa. N cële n chësc cont nce cie che ie dat sëura tl spezifich per uni level sot a “Preparazion ai ejams” y cie che ie scrit sun la plata Preparazion.

Data: 23.4.2014
[Iscrizion]

Ie cumpliré 17 ani te doi mënsc: possi pa bele me scrì ite per fé  l ejam B2?


La iscrizion possa mé unì fata sce n à bele cumplì i 17 ani. L formuler che ie unit mandà ite dan chësta data ne unirà nia azetà.

Data: 23.4.2014
[Iscrizion]

N basa a ce criter se scrijen pa ite a n cër livel?


Aldò de coche l ie pra la zertificazions linguistiches recunesciudes a livel europeich mira nce l ejam de bilinguism a valuté la cunescënzes linguistiches ndividueles y l se urientea aldò di criteres di descritëures dl Cheder europeich de referimënt n cumenanza dla rujenedes.

Data: 23.4.2014
[Iscrizion]

Ie é n handicap y per fé l ejam éi de bujën dl computer. Pra chi possi pa damandé do?


La persones cun na dejabltà muessa presenté per scrit na documentazion aposta (zertificat medich, diagnosa funzionela o n documënt semient), da chël che l ie da ntënder l stat de dejabltà dl candidat o dla candidata. Per dumandes spezifiches pudëis cuntaté la persona cumpetënta de nosc Servisc ejams.

Data: 23.4.2014
[Iscrizion]

Possi pa scrì ite mi mut che ne à mo nia 18 ani?


Pudëis zënzauter l fé dajan ite tl formuler i dac de Vosc mut y metan Vosta sotscrizion cun la ndicazion che l se trata dl genitor.

Data: 23.4.2014
[Iscrizion]

Muessi pa me scrì ite a un n livel ndolauter pian via dal plu bas?


No, n possa crì ora a na maniera liedia l livel n basa ala cunescënzes linguistiches y unfat ce diplom de scola o  titul de stude che n à.

Data: 23.4.2014
[Iscrizion]

Chi possa pa se scrì ite a fé l ejam?


Duc possa se scrì ite a fé l ejam, unfat de ce zitadinanza che n ie y canche n uel l fé.

Data: 11.4.2014
[Iscrizion]

Chiren pa ora l livel dl ejam aldò dl diplom de scola o dl titul de stude?


L livel dl ejam ne ie nia lià al diplom de scola o al titul de stude di candidac y canche n se scrij ite ne iel defati nia de bujën de presenté n atestat de scola o de stude.

Data: 11.4.2014