Dumandes y respostes

 

[Recunescimënt di tituli de stude]

Ciuldì muessi pa presenté per l recunescimënt di tituli de stude nce l plann de stude?


Ajache l vën nce valutà l numer di ejams fac tla rujeneda tudëscia o tla rujeneda taliana.

Data: 7.5.2014
[Recunescimënt de zertificazions linguistiches]

Tan giut aspieten pa tl cajo che l vën presentà doi zertificac?


Chi che presentea doi zertificazions linguistiches (una per rujeneda) giaperà l atestat te tëmps relativamënter curc che depënd dal numer de dumandes dl mumënt. Sce la documentazion ie a post, vën l atestat per l solit dat ora tl tëmp de una o doi enes. N cunsiëia, n cajo de prëscia, de fé referimënt ala persona che se cruzia dla pratica.

Data: 7.5.2014
[Recunescimënt de zertificazions linguistiches]

Ie é fat n curs de rujenedes che fej referimënt ai livei europeics y n me à scrit ora n atestat. Possi pa la lascé recunëscer?


L vel mé la zertificazions dates ora da Ënc de Zertificazion ufiziei y che fej referimënt a ejams ufiziei fac per livei defrënc n basa al Cheder europeich de referimënt n cumenanza dla rujenedes.

Data: 7.5.2014
[Recunescimënt de zertificazions linguistiches]

Tan giut aspieten pa per l ejam te una na rujeneda?


N generel aspieten da trëi a cater mënsc.

Data: 7.5.2014
[Recunescimënt de zertificazions linguistiches]

Iel pa puscibl cumbiné na zertificazion linguistica cun n titul de stude?


L ne ie nia puscibl cumbiné na zertificazion linguistica per una na rujeneda y un n titul de stude per l'autra. L legislatëur ne l à nia udù danora y perchël vën chi che manda ite na zertificazion linguistica nvià a fé l ejam monolingual de ublianza per la rujeneda nia zertificheda.

Data: 7.5.2014
[Recunescimënt de zertificazions linguistiches]

Ciuna zertificazions linguistiches vën pa recunesciudes?


La zertificazions linguistiches plu cunesciudes ie cumpededes su tla tabela repurteda pra chësc link: http://www.provincia.bz.it/formazione-lingue/bilinguismo/downloads/Vergleichstabelle-Zweisprachigkeit_2018.pdf.
Puderëis a uni moda presenté atestac de d'autri istituc, sce i fej referimënt a ejams recunesciui ufizielmënter n basa al Cheder europeich de referimënt n cumenanza dla rujenedes.

Data: 7.5.2014
[Ejam]

Uniral pa dant o do  publicà duc i tesć dl ejam?


L sistem nuef ne vëij nia danora che l vënie publicà l'abinedes ufizieles dla proes dl ejam.

Data: 24.4.2014
[Recunescimënt de zertificazions linguistiches]

Sce é na zertificazion linguistica, possi pa la presenté mpede l atestat de bilinguism?


La zertificazion linguistica ne remplazea nia l atestat de bilinguism, ma Vo pudëis Ve damandé che la vënie recunesciuda per giapé l atestat de bilinguism. Messerëis pona mé plu passé l ejam d'azertamënt dla cunescënza dla rujeneda nia zertificheda.

Data: 24.4.2014
[Recunescimënt de zertificazions linguistiches]

Ie é giapà la cunvocazion al ejam de bilinguism standard, ma ntant ei fat na zertificazion linguistica. Possi pa fé n chël dì l ejam tl'autra rujeneda?


L nes desplej, ma l ne ie nia puscibl ncrujé la doi pruzedures. Perchël messerëis renunzië per scrit ala iscrizion curënta o ala data dl ejam che Ve ie unida assenieda y, tl medemo tëmp, mandé inant la dumanda de recunescimënt de Vosta zertificazion linguistica. Vosta dumanda unirà tëuta n cunscidrazion aldò dl orden dla dumandes de recunescimënt dla zertificazions linguistiches ruvedes ite.

Data: 24.4.2014
[Data dl ejam]

L me ie unit cunzedù l spustamënt dla data dl ejam, ma per na rejon grieva ne puderei nia unì. Cie dëssi pa fé?


Spusté l ejam mo n iede ie mé puscibl pervia de malatia, y chëla muessa unì documenteda da n zertificat medich.

Data: 24.4.2014