Dumandes y respostes

 

[Ejam]

Ie me é desmincià la cherta d'identità. Possi pa mpò fé l ejam?


Chi che ne à nia n documënt d'identità ne possa nia fé l ejam.

Data: 9.5.2014
[Ejam]

Cie suzedel pa sce ne me presenteie nia pra l ejam a usc?


L ejam muessa unì fat te duta si pertes. Sce n ne se presentea nia al ejam a usc ne vën la proa fata danmesdì nia tëuta n cunscidrazion.

Data: 9.5.2014
[Ejam]

Iel pa puscibl aspité te vosc selfs d'aspietamënt nchin al scumenciamënt dl ejam a usc?


L Ufize resta daviert per l publich nchin dala 12.00 y l gëura inò dala 13.30. Ntan la paussa de mesdì ne daussa i candidac nia resté tl self d'aspieta. N juebia stluj l Ufize dala 13.00, ntan che l resta stlut n vënerdì domesdì.

Data: 9.5.2014
[Ejam]

Possen pa adurvé n vocabuler ntan l ejam?


L ejam vën fat zënza l aiut de vocabuleres.

Data: 9.5.2014
[Ejam]

Tan giut dura pa l ejam scrit monolingual?


La dureda dl ejam depënd dal livel. Per i livei C1, B2 y B1 iel udù danora n'ëura, ntan che per l livel A2 àn a despusizion 75 menuc.

Data: 9.5.2014
[Ejam]

Ie me é desmincià a cësa l uriginel dla zertificazion linguistica che ësse messù presenté n l dì dl ejam. Possi pa mpo fé l ejam?


Sci, puderëis presenté l uriginel pra l ejam a usc o, al plu tert, canche uniëis a Ve tò l atestat de bilinguism.

Data: 9.5.2014
[Ejam]

Iel pa puscibl fé mo n iede mé na pert dl ejam?


L ejam de bilinguism ie metù adum da trëi pertes che ne ie nia da spartì y che cumporta l resultat finel. La proes singules ne possa perchël nia unì fates mo n iede.

Data: 9.5.2014
[Ejam]

Cie suzedel pa sce vëne massa tert?


L ejam mët for man avisa dala 08.15. Na tardivanza de puec menuc possa unì azeteda, ma sce l ejam à bele metù man ne vënien nia plu lascei pro.

Data: 9.5.2014
[Ejam]

Da c'ëura scumëncia pa la proa a usc dl ejam standard (talian/tudësch)?


Aldò dl numer di candidac prejënc pra l ejam scrit possa la cumiscion scumencé cun i ejams a usc nce riesc do la cumedura di ejam scrit, sun l tert danmesdì. Do la paussa de mesdì che va dala 12.30 ala 13.30 va i ejams inant tl orden alfabetich.

Data: 9.5.2014
[Recunescimënt de zertificazions linguistiches]

Cie muessi pa fé per me lascé recunëscer mi zertificazions linguistiches?


Nce l recunescimënt dla zertificazions linguistiches possa unì fat tres SPID. Do che ëis fat l log-in ciariëde su vosc atestac linguistics tl format PDF.

Data: 7.5.2014