Dumandes y respostes

 

[Recunescimënt di tituli de stude]

Tan giut muessi pa aspité per giapé l atestat de bilinguism C1 do avëi presentà l'istanza de recunescimënt di tituli de stude?


Sce la documentazion njunteda ne se damanda nia mo vel' azertamënc da pert dl Ufize aspieten n generel una o doi enes.

Data: 9.5.2014
[Recunescimënt di tituli de stude]

Vëniel pa recunesciù i tituli de stude fac pra la Universiteies bilinguales ("Claudiana") y trilinguales (LUB) de Bulsan y pra l'Università bilinguela (Rechtwissenschaften) de Dispruch?


I tituli arjonc do  i studesc trilinguai tla Università Liedia de Bulsan o i studesc bilinguai tla Scola Auta de Sanità “Claudiana”, o do l curs de stude bilingual ntegrà de giurisprudënza ("integriertes Diplomstudium der Rechtswissenschaften") al'Università de Dispruch ne ie nia recunesciui per giapé l atestat de bilinguism A, ajache l mancia l recuisit de prevalënza de una dla doi rujenedes, la taliana o la tudëscia.

Data: 9.5.2014
[Recunescimënt di tituli de stude]

Iel pa puscibl fé na cumbinazion de doi tituli de stude dl medemo livel?


No, l ne ie nia puscibl. Cialëdeti ala tabela dla cumbinazions puscibles publicheda sun nosta plata web.

Data: 9.5.2014
[Recunescimënt de zertificazions linguistiches]

Muessi pa fé dumanda per fé l ejam monolingual?


La dumanda de recunescimënt de zertificazion linguistica dà automaticamënter azes al ejam monolingual tla rujeneda nia zertificheda. Perchël ne messëis nia mo fé na dumanda.

Data: 9.5.2014
[Recunescimënt de zertificazions linguistiches]

Vëniel pa mé azetà la zertificazions repurtedes tla tabela che ie sun Vosta plata web?


La zertificazions repurtedes ie chëles prinzipeles, ma l ie truepa d'autra zertificazions recunesciudes a livel internaziunel che se referësc al Cheder europeich de referimënt n cumenanza dla rujenedes.

Data: 9.5.2014
[Recunescimënt de zertificazions linguistiches]

Ie é na zertificazion linguistica per la rujeneda tudëscia. Ie son n zitadin talian, de rujeneda taliana, y é fat la laurea per talian. Ciuldì muessi pa fé l ejam monolingual tla rujeneda taliana?


Chësc ie udù danora dala lege che regulea chësc ciamp.

Data: 9.5.2014
[Recunescimënt de zertificazions linguistiches]

Co se dejëuj pa la comunicazion per giapé l atestat de bilinguism tl cajo de recunescimënt di tituli de stude o de doi zertificazions linguistiches?


La comunicazion vën mandeda tres e-mail. Sce la persona nteresseda ne l ëssa nia bele fat, messerala mustré su i zertificac uriginei di titui de stude o la zertificazions linguistiches urigineles tl mumënt che la vën a se tò l atestat de bilinguism, acioche la copies prejentes ti ac posse unì autentichedes.

Data: 9.5.2014
[Ejam]

Tan giut dura pa l ejam scrit tla doi rujenedes?


La dureda dl ejam depënd dal livel. Per i livei C1 y B2 iel udù danora doi ëura, per l livel B1 105 menuc y per l livel A2 75 menuc.

Data: 9.5.2014
[Ejam]

É de bujën de n atestat che son unit a fé l ejam. A chi muessi pa l damandé?


I candidac che se l damanda dan la proa scrita giapa n atestat de presënza.

Data: 9.5.2014
[Ejam]

Ce rujeneda muessi pa adurvé ntan l ejam?


La rujeneda da adurvé tla proa da scuté su ie chëla dl test che n aud, ntan che tla produzion scrita vëniel adurvà la rujeneda tudëscia per respuender ala dumandes relatives al test talian y l cuntrer.

Data: 9.5.2014