Dumandes y respostes

 

[Jì a tò l atestat]

Possi pa unì a me tò l atestat de bilinguism do n valgun mënsc?


N possa nce unì a se tò l atestat do n pez.

Data: 15.5.2014
[Jì a tò l atestat]

Possi pa me damandé che l atestat de bilinguism me vënie mandà per posta?


L nes desplej, ma ne mandon nia i atestac per posta. N muessa unì de persona a se l tò.

Data: 15.5.2014
[Jì a tò l atestat]

Cie possi pa fé sce ne posse nia jì persunalmënter a me tò l azertat de bilinguism?


Sce ne pudëis nia unì te nosta sënta a ve tò persunalmënter vosc atestat de bilinguism, scrijëis na delega a na persona de crëta y ti dajëis pea na copia di doi documënc de recunescimënt. Sce no pudëis nciarië n curier a jì a ve tò l documënt. Te chësc cajo adurvëde chësc formuler per la dumanda y chësta detlarazion per l curier.

Data: 15.5.2014
[Jì a tò l atestat]

Ie posse mé unì a Bulsan n vënerdì domesdì canche vosc ufize ie śarà. Cie muessi pa fé per giapé l atestat?


Fajëde al savëi vosc problem al Servisc ejams che cialerà de fissé n apuntamënt per ve dé l atestat nce n chël di.

Data: 15.5.2014
[Resultat]

Tan de ponc vëniel pa dat per la proes d'ejam y can ie pa l ejam positif?


L ejam vën valutà tla pertes defrëntes da uni cumponënt dla cumiscion che dà ite si valutazion tla forma eletronica. L resultat cumplessif vën elaborà dal computer. L ejam resultea positif sce n giapa ala fin almanco 60 ponc sun 100.

Data: 15.5.2014
[Resultat]

Can y co vëniel pa comunicà l resultat dl ejam?


L resultat dl ejam vën n generel comunicà l dì do l ejam, ma a uni moda for nchin trëi dis de lëur do l dì dl ejam.

Data: 15.5.2014
[Resultat]

Ie ne é nia giapà la comunicazion de coche l ejam ie jit tl tëmp di trëi dis de l ëur  udui danora. Cie muessi pa fé?


Cuntatëde debota l Servisc ejams per senialé l melservisc che pudëssa mé depënder da n problem tecnich. Tan tosc che chësc sarà ressolt giaperëis la e-mail coche udù danora.

Data: 15.5.2014
[Resultat]

Possi pa udëi ce fai che é fat pra l ejam?


L ie puscibl unì de persona pra l Servisc ejams y ti cialé ala proes fates prejentan n documënt d’identità. Sce no iel puscibl fé dumanda tres e-mail cun na copia dl documënt d’identità. N giaperà la valutazions dla proes singules y na copia dla produzion scrita.

Data: 15.5.2014
[Ejam]

Can vëniel pa anulà l ejam?


La proa vën anuleda te chisc caji: sce n à scrit i doi lëures (dl ejam te doi rujenedes) sun la medema plata; sce n à scrit cun n rispl o cun na pëna de culëur defrënt dal brum o fosch; sce n à scrit a stampatel, sce n ne defrenziëia nia i pustoms granc dai pitli; sce l ie scrit sun la plata l inuem dl candidat/dla candidata, la data o l numer d'identificazion dl test; sce la plata cuntën sënies de recunescimënt o sce la ie zareda; sce n se nuza de pënes da cancelé o d'autri curetëures; sce l lëur ie unit scrit tla rujeneda faleda.

Data: 15.5.2014
[Ejam]

Da c'ëura scumëncia pa la proa a usc dl ejam monolingual (talian/tudësch)?


I ejams a usc scumëncia riesc do la cumedura di scric y i orares singui unirà comunichei dala cumiscion al mëter man dla proa scrita. I ejams scumëncia datrai sun l tert danmesdì y, aldò dl numer de candidac prejënc, vai inant domesdì do na paussa danter la 12.30 y la 13.30.

Data: 9.5.2014