Lian sozial - Partiziun te rates de debić devers la Provinzia

N sorvisc dl'aministraziun provinziala de Südtirol

Descriziun generala

Sce na porsona mëss ti rete al’Aministraziun provinziala scioldi porvia de revocaziuns, renunzies o sanziuns, pora damanè do la partiziun dl debit te rates de alplü 72 mëisc.

La domanda de partiziun te rates mëss gnì dada jö te 60 dis dala notificaziun dl provedimënt da chël che al vëgn le debit, cun le formular aposta y n martl da bol da € 16,00.

Le debit po gnì partì sö te n numer de rates che va da 3 a 30 al mëis, sce la soma che an é debit se referësc a na sanziun aministrativa: la soma de vigni rata ne po nia ester plü bassa co € 15,50.

Al po gnì aprovè  ćina a 72 rates al mëis, sce la soma de debit ne se referësc nia a na sanziun aministrativa.

Ara va inće da sospëne la scudida dl debit ćina a n ann. Daldô pon partì sö les rates te alplü 60 rates al mëis o sospëne la scudida ćina a n ann, paian döta la soma canche chësc terminn toma.

Por la conzesciun dl paiamënt te rates dl debit vëgnel ćiarè sce la porsona é o manco bona da paié jö sü debić aladô dl davagn familiar netto mesan di ultimi dui agn.

La rata virtuala da rete por le debit provinzial vëgn calcolada sön la basa dla simulaziun de stipulaziun de n imprëst de diesc agn, olache an dà zoruch i scioldi vigni semester. La spana de fić é chëra stabilida dal Minister dl tesur y che é en forza canche al vëgn fat domanda.

Canche an stabilësc le numer dles rates vëgnel da öna na pert tignì cunt dla domanda dla porsona che é debit, y dal’atra che al ti romagnes n davagn netto anfat al minim vital aumentè dl 50% do avëi paié vigni rata.

Le partiziun te rates po ma gnì conzedüda do avëi ciafè l’arat positif dla Repartiziun provinziala Finanzes y Bilanz.

Sce le debit ne n’é nia de passa € 25.822,84 (50 miliuns de lires) vëgn le provedimënt de conzesciun dl paiamënt te rates (o de refodada dla domanda) adotè dal diretur de repartiziun. Sce le debit é de passa € 25.822,84 vëgn le provedimënt adotè cun deliberaziun dla Junta provinziala. Te chësc caje é la conzesciun dl benefize sotmetüda ala presentaziun de na garanzia adatada.

Sce al ne vëgn nia paié la pröma rata, o sce al ne vëgn nia paié döes rates indolater, perd la porsona le contribut y al vëgn atira scudì te un n iade le debit che romagn o la garanzia bancara dada.

  1. Domanda cun martl da bol da € 16,00
  2. zertificat de familia o detlaraziun sostitutiva (ćiara formular);
  3. detlaraziun dla situaziun patrimoniala dla porsona che é debit y de süa familia (cun laprò le patrimone di mituns a ćiaria);
  4. detlaraziun de d’atri debić y documentaziun che alda laprò (detlaraziun dla banca y plann de amortamënt);
  5. detlaraziun dl davagn di ultimi dui agn por düć i componënć dla familia, stlüt fora i mituns de mëndra eté (CUD, Mod. 730 + CUD, Mod. UNICO, y i.i..);
  6. por mituns de majera eté (ćina a 25 agn):
  • sce ai laôra: detlaraziun che ai laôra
  • sce ai stüdia: zertificat d’iscriziun ala scora alta o al’université y detlaraziun che ai ne laôra nia
  • sce ai laôra y stüdia: zertificat d’iscriziun ala scora alta o al’université y detlaraziun dl davagn di ultimi dui agn

Ala domanda él da ajuntè n martl da bol da 16,00 €.

(Sorvisc actualisá ai: 03/05/2022)

Ënt competënt

Ofize Programaziun dl frabiché alisiré
Palazzo 12, via Canonico Michael Gamper 1, 39100 Balsan
Telefono: 0471 - 418736 Elisa Mion
0471 41 87 11
E-mail: wohnbauprogrammierung@provinz.bz.it
PEC: wohnbauprogramm.programmazioneedilizia@pec.prov.bz.it

Orar por la jënt:

Sënta prinzipala a Balsan:

Landhaus 12, Kanonikus-Michael-Gamper-Straße 1, 39100 Balsan
(Ecke Schlachthofstraße) - tel. 0471/418710/40/60

Lönesc, dedolönesc, mercui y vëndres dales 09:00 ales 12:00
Jöbia dales 08:30 ales 13:00 y dales 14:00 ales 17:30

SËNTES DESTACADES

En concordanza cun les vacanzes da scora é inće notes sëntes destacades stlütes. I tëmps de stlüta vëgn publicà da iade a iade sön la plata internet dla Repartiziun Frabiché abitati.

Porsenù:

Regensburger Allee 18 (Villa Adele)

Vigni secundo y cuarto mercui dl mëis dales 09:00 ales 12:00 y dales 14:00 ales 17:00

Bornech:

Kapuzinerplatz 3

Vigni pröm y terzo mercui dl mëis dales 09:00 ales 12:00 y dales 14:00 ales 17:00

Maran:

Esplanade, Sandplatz 10

Vigni dedolönesc dales 09:00 ales 12:00 y dales 14:00 ales 17:00

Solaneres:

Schlandersburgstraße 6

Vigni pröm mercui dl mëis dales 09:00 ales 12:00 y dales 14:00 ales 17:00