Lian sozial - Zesciun al om o ala fomena o ala porsona cun chëra che an vir adöm more uxorio dl mez nia despartì dla proprieté d’abitaziun

• Domanda cun martl da bol da 16,00 euro;
• detlaraziun dl om o dla fomena o dla porsona cun chëra che an vir adöm more uxorio sön la composiziun dla familia, cun indicaziun dla residënza anagrafica y dla dorada de chësta tla provinzia, y dl’esistënza dles condiziuns preodüdes dal art. 45, ater co le coma 1 lët. c) dla l.p. n. 13/98
• copia dla detlaraziun dl davagn di ultimi 2 agn dl om o dla fomena o dla porsona cun chëra che an vir adöm more uxorio (ma sce an damana do le pröm iade): detlaraziun de portignënza o de agregaziun al grup linguistich
• copia dl zertificat de matrimone (ma sce la porsona che fej domanda ne n’ê nia ćiamò maridada canche ara dà jö la domanda de alisiraziun) o detlaraziun de convivënza more uxorio aladô dl art. 7 dl pröm regolamënt d’esecuziun dla l.p. 13/98

Sce le cuartier alisiré é gnü fat sö sön terac alisiré:

• Deliberaziun dl comun o atestaziun da pert dl ombolt dles condiziuns dl om o dla fomena o dla persona cun chëra che an vir adöm more uxorio por l’assegnaziun dl terac alisiré tl comun de residënza

Ala domanda él da ajuntè n martl da bol da 16,00 €.

Lege provinziala di 17 de dezëmber dl 1998, n. 13 - Ordinamënt sön le frabiché abitatif alisiré
Decret dl Presidënt dla Provinzia di 15 de messè dl 1999, n. 42 – Pröm regolamënt d’esecuziun dla lege provinziala di 17 de dezëmber dl 1998, n. 13 - Ordinamënt sön le frabiché abitatif alisiré

Por la faziun legala dl regolamënt por le frabiché abitatif alisiré é döes porsones che vir adöm more uxorio, döes porsones che:

1. à deboriada mituns, vir y à la residënza anagrafica tla medema abitaziun;
2. ne n’é nia dl medemo ses, vir y à la residënza anagrafica tla medema abitaziun da altamo dui agn;
3. à deboriada mituns y detlarëia che ai jarà a vire adöm tl’abitaziun alisirada olache ai spostarà inće la residënza anagrafica.