Formaziun
Deache le laur por la jonëza á na seria de ghiranzes desvalies vál ince debojëgn che i colaboradus y les colaboradësses ais competënzes y conescënzes desvalies: datrai vál debojëgn che öna na porsona se fistidiëies de compic daldöt desfarënc che reverda por ejëmpl seturs dala burocrazia ala pedagogia. Al é insciö dër ri da definí n profil tler dla profesciun damanada, che podess insciö ti corespogne a na formaziun unica por ci che reverda le laur por la jonëza en general.
Pro l’Université Lëdia de Balsan, Facolté de Sciënzes dla Formaziun a Porsenú, vëgnel pité n curs universitar de pedagogia soziala (Link forest) che é na buna basa por lauré te istituziuns che se crüzia dla jonëza. Na spezialisaziun por porsones che laora te chësc setur ne é atualmënter nia preodüda, insciö él fondamental da avëi n contat y n barat de informaziuns costant cun i bojëgns dla jonëza ti zëntri de formaziun. Chësc barat d’informaziuns y conescënzes vëgn a se le dé te na manira costanta cun rapresentanc dla Facolté Sciënzes dla Formaziun da Porsenú.
Vigni formaziun profescionala é impó ma la basa por lauré por mituns y jogn, le savëi teoretich mëss gní adoré y adaté tresfora tla pratica por mioré les capazités pedagogiches y les adaté ales ghiranzes atuales dla jonëza. Tles strotöres che se crüzia dla jonëza laorel ince personal che ne á nia na formaziun tipica tl setur, belanfat sce al se trata de n laur de volontariat, a tëmp plëgn o te n’atra forma. Al é insciö indespensabl da se informé tresfora, da se formé inant y da adoré metodes nöies che ti corespogn a n’assistënza y consulënza otimala di jogn y dles jones.
Ciasa dla jonëza Kassianeum
La Ciasa dla jonëza é la pröma misciun por na formaziun tl setur dl laur por y cun la jonëza. Te chësta strotöra vëgnel pité danter l’ater formaziuns por colaboradësses y colaboradus che laora tl volontariat o ince a tëmp plëgn y che vëgn sostignides dala organisaziun AKF – Arbeitskreis Fortbildung .
D'atres istituziuns
Por döes y düc che ó s’informé sön ativités de formaziun desvalies, tl Südtiol sciöche ince foradecá, vëgnel metü a desposiziun na seria de misciuns internet cun cursc por colaboradus y colaboradësses a tëmp plëgn y che laora tl volontariat.
- www.institutgauting.de - Organisaziun de formaziun dl „Bayrischer Jugendring“
- www.akzente.net - Program de formaziun de „Akzente Salzburg"
- www.schlosshofen.at - Program cun cursc y seminars tl setur „Laur sozial – Consulënza“
- www.wienxtra.at - Portal d'informaziun dla cité de Viena
aufZAQ – Cualité de formaziun zertificada por le laur cun i mituns y cun i jogn
Cun la signatöra aufZAQ él le Ministere competënt austriach y sües sëntes ti Länder che zertifichëia cursc por porsones, che laora tl setur dl laur por la jonëza tratan la perioda extrascolastica. Cun chësc prinzip él aufZAQ che pita n orientamënt pro la seleziun de ofertes de formaziun cun na certa cualité. Sön la plata internet ofiziala de aufZAQ (www.aufzaq.at ) él da ciafé düc i cursc zertificá. Implü él ince poscibl da s’informé sön la modalité da ciafé na zertificaziun por n curs.
