Contribuc

Le Sorvisc por la jonëza sostëgn ince cun mësi finanziars investimënc te istiuziuns dl laur cun la jonëza, sciöche ince proiec inovatifs tla formaziun dla jonëza y le laur cultural dla jonëza. Le compit prinzipal dl sostëgn dla jonëza é chël da garantí y da svilupé inant, sides por ci che reverda la cualité che por ci che reverda la cuantité, la varieté dles organisaziuns dla jonëza, i grups dla jonëza, i sorvisc por la jonëza y i zëntri dla jonëza. La provinzia ó porté pro che porsones jones ais de bones condiziuns cheder por süa coresponsabilité tla sozieté y so engajemënt sozial. La basa é la lege provinziala 13/83, sciöche ince le „Program por sostigní le laur cun la jonëza dl grup linguistich todësch y ladin" aprové dl 1999 dala Junta provinziala dla Provinzia Autonoma de Balsan.