Atualità
Film documenter LADINIA: prejentazion te Gherdëina y tla Val Badia
L film documenter LADINIA sun la scolina y scola ladina, realisà dl 2022, unirà prejentà n merdi, ai 14 de fauré, te Gherdëina y n juebia, ai 16 de merz, tla Val Badia.
N film per mustré su la particulariteies dla scolina y scola ladina cun aspec dla cultura y rujeneda ladina: chësc ie l resultat dl proiet LADINIA, realisà dala Ntendënza y Cultura ladina y Peperonitto Film, firma nciarieda per tò su l video. L se trata de n film documenter metù adum da plu pertes che mostra su l sistem scolastich ladin, dala scolina ala scola auta, cun aspec dla rujeneda y dl teritore dla valedes ladines. I video, tëuc su tl 2022, vën metui a despusizion zënza o cun sottitui per talian, tudësch y nglëisc.
La prejentazion dl film documenter LADINIA cun saluc y cumentares da pert dla Ntendënta y respunsabla dl proiet Edith Ploner y dla coordinadëura Susy Rottonara vën a se l dé
n merdi, ai 14 de fauré 2023, dala 17:00
tla scola mesana de Sëlva
y
n juebia, ai 16 de merz 2023, dala 17:00
tl Istitut Ladin “Micurá de Rü“ a San Martin.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/red
