Atualità
Cuntribuc Cultura ladina: puscibltà de dé ju la dumandes tla valedes
L Ufize Cultura ladina y Junëza lascia al savëi che la dumandes per n cuntribut provinziel per l’atività culturela 2023 muessa unì dates ju nchina ai 31 de jené 2023.
Nce chëst ann ti vëniel pità ai zitadins y ala zitadines la puscibltà de dé ju la dumandes diretamënter tla valedes ladines a na culaburadëura o n culaburadëur dl Ufize Cultura ladina y Junëza.
Chisc servijes vën pitei n mierculdi ai 25 de jené 2022 dala 16:30 ala 18:30 tla sënta destacheda dla Direzion provinziela scolines y scoles ladines a Urtijëi y n vënderdi ai 26 de jené 2023 dala 17:00 ala 18.30 tl Zënter pedagogich a Picolin/Val Badia.
La dumandes possa sambën nce unì mandedes nchina ai 31 de jené 2023 per posta o pec ala Provinzia Autonoma de Bulsan-Südtirol, Ufize Cultura ladina y Junëza (18.2), Str. Binder/Bottai 29, 39100 Bulsan (culturayintendenzaladina@pec.prov.bz.it).
I formuleres ie da abiné sun la plata internet http://www.provinzia.bz.it/la/sorvisc-a-z.asp?bnsv_svid=1007900 o diretamënter tl Ufize Cultura ladina y Junëza, Str. Binder/Bottai 29, Bulsan, tel. 0471 417021, e-mail: culturaladina@provinz.bz.it.
Per nfurmazions plu a puntin sun la pusciblteies de suvenzion, pudëis ti scrì a culturaladina@provinica.bz.it o ti cialé ala plata Sustëni finanziel - Ert y Cultura. La dumandes de cuntribut per nvestimënc culturei, proiec culturei, ativiteies artistiches y per publicazions possa nce unì dates ju n chësta ucajion. Chësta dumandes possa unì dates ju ntan dut l ann, ma les muessa unì dates ju dan che n scumëncia l proiet.
L ie nce la puscibltà de fé dumandes per la realisazion de zaites y revistes per ladin.
De plu nfurmazions sun la singula formes de sustëni, coche nce la zirculeres sun la pusciblteies defrëntes de sustëni culturel pudëis abiné sun la plata internet: www.provinzia.bz.it/cultura-ladina.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/usp
