Atualità
Ann de scola 2023/24: l’iscrizions pea via ai 9 de jené 2023
Dai 9 de jené 2023 inant possa i genitores scrì ite si mutons y mutans ala scolina o ala scola elementera, dai 15 de jené inant ala scola auta.
L’iscrizions ala scolines y scoles per l ann de scola che vën 2023/24 pea via bele tla prima enes dl ann nuef 2023. I termins dac dant vel sibe per la scoles ladines che per la scoles tudësces y talianes. La normes che regulamentea l’iscrizion ala scoles ie dates dant tla delibra dla Jonta provinziela di 14.12.2021 sun pruposta di assessëures per la scola Daniel Alfreider, Philipp Achammer y Giuliano Vettorato.
Dai 9 ai 17 de jené iel da fé l’iscrizions online ala scolina. De plu nfurmazions iel da abiné sun la plata web dla Provinzia, sota Furmazion y lingac tla sezion "scolines".
Dai 9 ai 24 de jené possa mutans y mutons unii scric ite tla scola elementera. L’iscrizion ala prima tlas possa mé unì fata te una na scola elementera. L muessa unii scric ite ala prima tlas dla scola elementera duc i mutons y duta la mutans che cumplësc i sies ani dan i 31 de agost 2023. L possa unii scric ite ala prima tlas dla scola elementera i mutons y la mutans che cumplësc i 6 ani dan i 30 de auril 2024.
L‘iscrizions dla mutans y di mutons ala prima tlas dla scola mesana vën fates d’ufize. L’iscrizions ala scola auta ie da fé danter i 15 de jené y i 15 de fauré 2023, unfat sce l se trata de na scola auta, scola prufesciunela o de na scola privata recunesciuda.
De plu nfurmazions sun l’iscrizions ala scoles iel da abiné sun la plata web dla Provinzia y tla zirculera n. 15 dla Ntendënza ladina.
Clican chiló röiun ala verjiun originala dl comunicat stampa por visualisé imajes, documënc o video che taca lapró
