Atualità
Ann de scolina 2023/24: iscrizions ala scolines dai 9 de jené inant
L’iscrizions ala scolines dl Südtirol per l ann de scolina 2023/24 possa unì fates online dai 9 ai 17 de jené 2023.
L prim di per scrì ite n mut o na muta ala scolina ie ai 9 de jené 2023. L’iscrizions se stluj cun i 17 de jené 2023 y possa unì fates mé online. La dumandes de iscrizion ie da mandé te na maniera telematica tres l’identità digitela SPID o tres la cherta di zitadins ativeda. De plu nfurmazions iel da abiné sun la plata web dla Provinzia, sota Furmazion y lingac tla sezion "scolines".
I genitores/respunsabli dl’educazion ie nviei a se cruzië per tëmp y ëura de avëi n azes digitel per pudëi fé l’iscrizions. Una na puscibltà ie l’identità digitela SPID. L SPID possa unì fat da nuef provider defrënc. Doi provider à ufizies nce te Südtirol: la posta taliana y la Majon dl Cumerz (tres Aruba). La segonda puscibltà ie chëla de ativé la cherta di zitadins (la cherta dla sanità bruma) cun n letëur y n PIN (la cherta possa unì ativeda te chemun).
La direzions dla scolines ti pieta aiut y cunsulënza a chi che ne à azes a degun njin tecnich per fé l‘iscrizion.
Clican chiló röiun ala verjiun originala dl comunicat stampa por visualisé imajes, documënc o video che taca lapró
