Atualità
Contribuc Cultura ladina: puscibltà de dé ju la dumandes tla valedes
L Ufize Cultura ladina y Junëza lascia al savëi che la dumandes per n contribut provinziel per l’atività culturela 2022 muessa unì dates ju nchina ai 31 de jené.
Nce chëst ann ti vëniel pità ai zitadins y ala zitadines la puscibltà de dé ju la dumandes diretamënter tla valedes a n culaburadëur / na culaburadëura dl Ufize Cultura ladina y Junëza.
Chisc servijes vën pitei n juebia, ai 27 de jené 2022 dala 16.00 ala 18.00 te chemun de S. Cristina y n vënderdi ai 28 de jené 2022 dala 16.00 ala 18.00 tl Ufize Inovazion y consulënza (1 partimënt) dl zënter pedagogich a Picolin/Val Badia.
La dumandes possa sambën nce unì mandedes nchina ai 31 de jené 2022 per posta o pec ala Provinzia Autonoma de Bulsan-Südtirol, Ufize Cultura ladina y Junëza 18.2, Str. Bottai n. 29, 39100 Bulsan (culturayintendenzaladina@pec.prov.bz.it). I formulers ie da abiné sun la plata internet http://www.provinzia.bz.it/la/sorvisc-a-z.asp?bnsv_svid=1007900 o diretamënter tl Ufize Cultura ladina y Junëza, Str. Bottai n. 29, Bulsan, tel. 0471- 417021. Per nfurmazions plu a puntin sun la pusciblteies de suvenzion, pudëis ti scrì a Culturaladina@provinica.bz.it o ti cialé ala plata www.provinzia.bz.it/cultura-ladina.
La dumandes de contribut per nvestimënc culturei, proiec culturei, ativiteies artistiches y per publicazions possa nce unì dates ju n chësta ucajion. Chësta dumandes possa unì dates ju ntan dut l ann, ma les muessa unì dates ju dan che n scumëncia l proiet.
L ie nce la puscibltà de fé dumandes per la realisazion de zaites y revistes per ladin.
Tla njonta o sun la plata internet www.provinzia.bz.it/cultura-ladina pudëis ti cialé ala zirculeres cun la pusciblteies defrëntes de sustëni culturel.
Clican chiló röiun ala verjiun originala dl comunicat stampa por visualisé imajes, documënc o video che taca lapró
USP/red/san
