Atualità

50 agn dl Secunt Statut d‘autonomia: presentaziun ai 17 de jená

Zerimonia ofiziala, publicaziuns, na plata internet dedicada al’autonomia, proiec teatrai y musicai: presentaziun ofiziala ai 12 de jená dles scomenciadies por i 50 agn dl Secunt Statut d’Autonomia.

Tl 2022 vëgnel festejé tl Südtirol le iubileum di 50 agn dl Secunt Statut d’Autonomia che é jü en forza tl ann 1972. Al é un di pilastri fondamentai por la sconanza dles mendranzes che vir tla provinzia de Balsan. N passaje important é ince gnü a se le dé dan da 30 agn cun la contlujiun dl stritoz danter la Talia y l’Austria dan les Naziuns Unides.

Le iubileum di 50 agn dl Secunt Statut d’Autonomia y i 30 agn dala contlujiun dl stritoz pita chësc ann l’ocajiun da organisé na seria de scomenciadies y zelebraziuns da pert dla Junta y Aministraziun provinziala en colaboraziun cun le Consëi provinzial, l’Université Lëdia de Balsan, l’Eurac y d’atres istituziuns, assoziaziuns y organisaziuns sudtirolejes.

Le presidënt dla Provinzia Arno Kompatscher presentará adöm ai trëi vizepresidënc Waltraud Deeg, Giuliano Vettorato y Daniel Alfreider, ala presidënta dl Consëi provinzial Rita Mattei y adöm a de plü rapresentantes y rapresentanc dles istituziuns interessades les scomenciadies por l’aniversar te na conferënza stampa che gnará a se le dé

en lönesc, ai 17 de jená dl 2022

dales 10:00

tl salf stampa dla Provinzia

a Balsan, plaza Silvius Magnago 1

en direta streaming sön le canal Youtube dla Provinzia.

Porvia dles mosöres de prevenziun dla pandemia tolará de plü rapresentanes y rapresentanc pert ala conferënza stampa online, danter chisc le diretur dl Zënter de competënza por la storia regionala dla LUB Oswald Überegger, le diretur dl Center for Autonomy Experience dl’Eurac Marc Röggla, Walter Zambaldi dl Teatro Stabile y Gaia Carroli dl Teatro Cristallo, Irene Girkinger dl VBB, Carlo Suani dl Departimënt Scora y Cultura ladina y Johann Finatzer dl’Assoziaziun provinziala dles musighes.


Clican chiló röiun ala verjiun originala dl comunicat stampa por visualisé imajes, documënc o video che taca lapró

USP/jw/sf