Atualità
Laur por la jonëza: “Netz” á publiché so manual por talian y todësch
Sön scomenciadia de “Netz Offene Jugendarbeit“ él gnü surandé incö ai trëi assessurs Achammer, Alfreider y Vettorato le liber nü por talian dediché al monn dl laur por la jonëza tl Südtirol.
“Netz” é na assoziaziun di zëntri por la jonëza y di zëntri culturai por i jogn y les jones tl Südtirol che sostëgn ince 52 assoziaziuns dla jonëza por l’integraziun di jogn tl monn dl laur tl Südtirol. Da d’altonn él l’assoziaziun che á presenté le pröm liber por todësch "Handbuch zur Offenen Jugendarbeit" (OJA) dediché al monn dl laur di jogn y dles jones. Incö él gnü resenté da pert de “Netz” l’ediziun por talian. Le presidënt dl’assoziaziun Robert Perathoner, le comëmber dla direziun Wolfram Nothdurfter, la manajadëssa Karin Husnelder y i colaboradus de “Netz” Sandra Mercuri, Marina Peter y Philip Unterholzner á surandé incö ai 29 de jügn tl Palaz provinzial 1 a Balsan les ediziuns todëscia y por le pröm iade ince taliana dl manual ai assessurs por la jonëza Daniel Alfreider, Philipp Achammer y Giuliano Vettorato. I obietifs dla publicaziun nöia é chi da sensibilisé i jogn y les jones sön les tematiches dl monn dla politica locala y da i motivé da tó pert al monn dl laur dla jonëza a livel local.
Por l’assessur por la jonëza ladina Alfreider él important da realisé publicaziuns spezifiches dedicades ai jogn, “deache al é n contribut por promöia la conescënza dles particolarités y di valurs deboriada di trëi grups linguistics. Chësc proiet renforza le plurilinguism y la colaboraziun y al é n vare concret por ti dé plü visibilité al laur dla jonëza ti comuns”, insciö Alfreider.
L’assessur por la jonëza todëscia Achammer dij che le laur por la jonëza é dantadöt te n momënt sciöche chësc fondametal por dé impulsc nüs y por costruí relaziuns nöies. Ince l’assessur por la jonëza taliana Vettorato él important “da promöia les dinamiches dl laur de formaziun söl teritore amesa i trëi grups linguistics por renforzé les competënzes y les capazités.”
La publicaziun nöia OJA é la fondamënta sön chëra che “Netz” planifichëia so laur de conescënzes y esperiënzes a sostëgn dl laur profescional cun i jogn. Indöt él zirca 150 profescionisć y plü de 500 volontars te dötes les strotöres de „Netz“ tl Südtirol. N laur prezius a bëgn dla jonëza.
Por nen savëi deplü: https://www.netz.bz.it/
USP/eb/jw
Galaria dales fotografies
