Atualità

Insegnantes y insegnanc: assegnaziun di posć ai 07 d’agost

L’Intendënza ladina lascia alsavëi che al gnará fat l’assegnaziun di posć de rode y di cuntrac a termo dl personal insegnant ai 07 d’agost 2020 dales 09.00.

Al vëgn lascé alsavëi che n vëndres ai 07 d’agost 2020 dales 08:30 pro la curt interna dl Palaz provinzial 1, plaza Silvius Magnago a Balsan, gnarál fat l’assegnaziun di posć de rode y di cuntrac a termo al personal insegnat sön la basa dles gradatöres provinziales y d’istitut definitives  por l’ann de scora 2020/21. Al gnará ince dé ia les ores che resta dles catedres intieres.

Dales 08:30 gnarál partí fora i posć lëdi tles scores elementares.

Dales 10:00 vëgnel spo partí fora i posć lëdi tles scores mesanes y altes.

Al’assegnaziun di posć mëss i candidac y les candidates se presenté cun n documënt d’identité varënt. Sce le candidat o la candidata ne pó nia gní en chël de, pól se lascé rapresenté da na porsona de crëta cun n'autorisaziun scrita.

Por de plü informaziuns pól gní contaté:

por les scores elementares: Claudia Aquilini – tel. 0471 417015 e-mail: claudia.aquilini@provinzia.bz.it

por les scores mesanes y altes: Anna Rudiferia – tel. 0471 417018, e-mail: anna.rudiferia@provinzia.bz.it

USP/USP