Atualità

Plata internet dles scores de musiga ince por ladin

La plata internet dles scores de musiga é da püch jüda online ince por ladin.

La plata internet dles scores de musiga é da püch jüda online ince por ladin. (Foto: USP/screenshot)

Dal scomenciamënt inant á les scores de musiga lauré adöm por cherié n’oferta trilinguala por ci che reverda la plata internet nöia che tol ite les scores de musiga todësces, ladines y talianes. Te n pröm vare é la plata internet jüda online por todësch y talian y á ince davagné porvia dla buna strotöra dla plata, la organisaziun di contignüs y l’azessibilité le pest “Eccelenza Web 2019”.

Da püch é ince la verjiun ladina jüda online. La plata internet nöia pita na suraodüda de dötes les scores de musiga ladines y todësces y dla scora taliana “A. Vivaldi”. Les vijitadësses y i vijitadus pó s’informé sön l’oferta de düc i stromënc y dles materies insignades tles scores de musiga desvalies y ince sön les modalités d’iscriziun. Al é ince na seziun dedicada ala musiga popolara.

Les scores de musiga todësces y ladines á sciöche compit prinzipal chël da sostigní les capazités musicales y dé inant les capazités desvalies. Ares é le zënter de competënza dla musiga y dá impulsc ala vita culturala tl Südtirol por ciaré dla tradiziun, y é tl medemo tëmp davertes a dötes les direziuns de musiga y trus nüs.

La scora de musiga taliana "A. Vivaldi" é na scora particolara a livel nazional. Ara é gnüda metüda sö dl 1977 cun la lege provinziala cun la scora de musiga todëscia y ladina. La scora de musiga "A. Vivaldi" á porté pro dassënn cun sües scomenciadies ala difujiun de na cultura musicala.

Por nen savëi deplü: https://scoresdemusiga.provinzia.bz.it/

USP/gst

Galaria dales fotografies