Atualità

Scores, da jená iscriziuns ma plü online sön myCIVIS

Les iscriziuns tles prömes classes dles scores elementares y altes podará ma plü gní fates online sön myCIVIS.

Da jená dl 2019 podará les iscriziuns tla scora elementara y alta ma plü gnides fates online (Foto USP)

Les domandes de iscriziun ales prömes classes dles scores elementares y de na scora alta por l'ann de scora 2019/2020 podará da sëgn inant ma plü gní fates online tres le portal de myCIVIS, l’area personala cheriada al intern dla Rëi zivica nöia CIVIS de dialogh cun l’aministraziun publica. L’iscriziun ala pröma classa dla scora mesana vëgn fata automaticamënter zënza messëi fá domanda.

La prozedöra online podará gní fata ma sce an á n account por le SPID (Sistem publich de identité personala) o ince tres na Cherta di sorvisc ativa. Chësta dezijiun é gnüda tuta dala Junta provinziala incö ai 28 de dezëmber do n stlarimënt de n valgügn punc iuridics y che reverda la privacy. I geniturs che ne á nia la poscibilité informatica da fá la iscriziun podará jí a damané aiüt ti secretariac di istituc scolastics.

Iscriziuns davertes dai 7 de jená

Les domandes d’iscriziun ala scora elementara podará gní fates dai 7 ai 24 de jená dl 2019, les iscriziuns por les prömes classes dles scores altes podará gní fates dai 15 de forá ai 15 de merz dl 2019.

Por informaziuns plü monüdes prëibel consulté:

http://www.provincia.bz.it/ntendenza-ladina/service/atualita-intendenza.asp?aktuelles_action=4&aktuelles_article_id=620728

USP

Galaria dales fotografies