Atualità

Cinema alaleria cun la Biblioteca Teßmann a Balsan

Dai 2 ai 23 d'agost pita la biblioteca Teßmann por cater jöbies alalungia n program de films alaleria. L'entrada é debann.

Cinema alaleria cun la Teßmann ai 2, ai 9, ai 16 y ai 23 de agost

La Biblioteca provinziala Dr. F. Teßmann presentëia en colaboraziun cun l'Ofize Film y media cater films sön operes leterares strordinares. Te cater sëres d'agost se trasformëia la curt de letöra dla Biblioteca provinziala Dr. Friedrich Teßmann te n cinema alalëria idiliach canche al vëgn scür. Düc i vijitadus podará se gode films sön operes leterares straordinares te n'atmosfera relassanta. Le pröm film gnará mostré ai 2 d'gost cun le titul "Monsieur Claude und seine Töchter" (Francia 2014, regia: Philippe de Chauveron, dorada: 97 menüc, zënza limic d'eté). Ai 9 d'agost gnarál spo mostré le film "Besser geht’s nicht" (USA 1997, regia: James L. Brooks, dorada: 133 menüc, dai 6 agn inant), ai 16 d'agost sará la ota de "Nur für Personal!" (Francia 2010, regia: Philippe Le Guay, dorada: 107 menüc, zënza limic d'eté). La seria de cinema alaleria gnará stlüt jö ai 23 d'agost cun "Ich, Daniel Blake" (Gran Bretagna 2016, regia: Ken Loach, dorada: 100 menüc, dai 6 agn inant).

Le scomenciamënt dl film sará dales 21.00, l'entrada é debann. I films vëgn ma mostrá sce al é bel tëmp. Desdites vëgn lasciades alsavëi sön www.tessmann.it.

                 

 

USP

Galaria dales fotografies