Atualità

Reconoscimënt ince dal MIUR por le Schoolkit de Wikipedia Ladina

Le Schoolkit dla Wikipedia Ladina é danter i proiec pilot chiris fora dal MIUR por l’educaziun civica digitala.

Da man ciampa a man dërta: Valeria Framondino, Susy Rottonara, Matteo Ruffoni, Cristian Cenc (Foto: Departimënt Educaziun y Cultura Ladina)

Le Minister por l’Istruziun, Université y Inrescida "MIUR" á chirí fora y publiché ufizialmënter i proiec pilot plü significatifs por l’educaziun digitala che vëgn metüs a jí y portá inant dales scores a livel nazional. Danter chisc él le schoolkit, n program de suport por la realisaziun dl Plan Nazional por la Scora Digitala laoré fora dala coordinadëssa dl proiet dla Wikipedia Ladina pro le Departimënt Educaziun y Cultura Ladina Susy Rottonara adöm cun Wikimedia Italia. Le Schoolkit, che é publiché tla seziun “Cultura y creativité digitala” é n stromënt didatich flessibl che dess sostigní le svilup inovatif de contignüs digitai te düc i liví scolastics. L’obietif dl Plan Nazional por la Scora Digitala é chël da sensibilisé la comunité scolastica sön la potenzialité di contignüs digitai sön la responsabilité en cunt de süa elaboraziun y publicaziun.

L’Intendënt ladin Roland Verra é dër contënt dl reconescimënt y vëiga le proiet dla Wikipedia Ladina sciöche meso por la promoziun y la elaboraziun dl lingaz ladin te na dimenjiun globala.

Danter i punc caraterisanc dl schoolkit por les scores ladines él le pluringuism tl sistem scolastich paritetich, le svilup de contignüs digitai en cunt dla leteratöra y storia ladina y la musiga sciöche meso por l’insegnamënt di lingac. Les bunes pratiches realisades dales scores dess spo gní presentades a döta la comunité scolastica. L’aplicaziun dl schoolkit vëgn sostignida tresfora da esperc de Wikimedia Italia por ci che reverda l’aspet tecnich y dess ester na ocajiun de colaboraziun interdisciplinara ince te laurs de grup.

L’aplicaziun dl schookit dess te vigni caje pité n contribut de valüta al svilup dla Wikipedia Ladina.

Plata internet dl MIUR por l’educaziun civica digitala

http://www.generazioniconnesse.it/site/it/ECD-Creativita/

Schoolkit

http://www.generazioniconnesse.it/site/it/2018/01/18/esercitarsi-con-wiki/

Schoolkit por les scores ladines

Come lavorare con Wikipedia nei progetti plurilingue delle scuole delle località ladine

 

USP

Galaria dales fotografies