Atualità

De dla cultura ladina: 40 agn Istitut Ladin Micurá de Rü

Festa adöm al presidënt Kompatscher y assessur Mussner por i 40 agn dl Istitut Ladin Micurá de Rü en gaujiun dl De dla cultura ladina ai 13/10 a San Martin.

L'Istitut Ladin Micurá de Rü é gnü metü sö tres lege provinziala nr. 27 dl 31.07.1976, publicada tl Boletin Ofizial dla Regiun te trëi lingac. Ai 03.09.1977 á l'Istitut metü man ofizialmënter süa ativité. Por recordé y festejé chëstes dates ti vëgnel dediché inann le De dla cultura ladina ai 40 agn d'ativité dl Istitut ladin Micurá de Rü. Sön le program él preodü naota les introduziuns dl assessur por la scora y cultura ladina Florian Mussner y dla presidënta dl Istitut Erika Castlunger, por passé spo a de piceres presentaziuns multimediales da pert dl diretur dl Istitut Leander Moroder, adöm a sües colabradësses y sü colaboradus. La parora ti passará spo al presidënt dla Provinzia Arno Kompatscher y al assessur regional por les mendranzes linguistiches Beppe Detomas por sü salüc. Le De dla cultura ladina gnará a se le dé

n vëndres, ai 13 d'otober dl 2017

dales 15 inant

tla sënta dl Istitut Ladin Micurá de Rü

a San Martin de Tor. 

L'invit é gnü injunté.

USP