Atualità

Wikipedia ince por ladin: Conferënza stampa ai 12 d’otober

Sostigní dal Departimënt Educaziun y Cultura ladina gnarál presenté ai 12 d’otober le pröm proiet de Wikipedia ladina a Balsan.

Le portal Wikipedia é la enziclopedia de savëi digitala plü adorada al monn. Al é poscibl da consulté plü de 36 miliuns de singules usc te indöt 291 lingac al monn (de chisc 280 ciamó atifs). Tosc sarál dan man na seria de contignüs sön Wikipedia ince por ladin. La scomenciadia fej pert de n proiet INTERREG. Le proiet é sostigní y gnará porté inant dal Departimënt Educaziun y Cultura Ladina adöm cun les scores ladines y é davert a düc i interessá. Por presenté le proiet plü tl detail él la organisadëssa dl proiet, Susy Rottonara, che tëgn na conferënza stampa

en jöbia, ai 12 dotober

dales 11

tla sënta

dl Departimënt Educaziun y Cultura Ladina

strada Binder 29

a Balsan.

Ala conferënza stampa sarál ince presënc l’assessur por la scora ladina Florian Mussner, l’intendënt Roland Vera y i esperc de Wikipedia che porta inant le laur tecnicamënter.

USP