Atualità

Invit ala pröma incuntada dla Consulta provinziala culturala

Ai 11 d’otober s’incunta pro le pröm iade la Consulta provinziala culturala en presënza di trëi assessurs Mussner, Tommasini y Achammer a Balsan.

L'assessur por la cultura ladina Florian Mussner, adöm a sü colegs de Govern Christian Tommasini y Philipp Achammer, chërda ite por le pröm iade la Consulta provinziala culturala, sciöche odü danfora dala nöia lege cultura n.9/2015. Les trëi consultes di grups linguistics se abina por se conësc y por baié adöm ai assessurs dla situaziun y dl dagní dla cultura tl Südtirol. L’incuntada, che é daverta al publich, gnará a se le dé

 
n mercui, ai 11 d’otober dl 2017

dales 15

tla curt interna dl Palais Widmann,

plaza Silvius Magnago 1 a Balsan.

USP