Atualità
Intendënza ladina: iscrizions 2017/18 tla scoles y scolines
Intendënza ladina: iscrizions di sculeies tla scoles y scolines ladines per l ann 2017/18
L'intendënt Roland Verra lascia al savëi la zifres dla iscrizions di sculeies tla scoles y scolines ladines per l ann 2017/18. „N possa dì che la zifres ie sustanzialmënter stabiles, cun la scolines che à ndut 684 iscrizions, 17 de plu dl ann passà y la scoles globalmënter 16 iscrizions deplu, cun ndut 2469 sculeies. La scoles elementeres de Gherdëina y dla Val Badia mostra su na cumpëida totala de iscrizions de 1195, la scoles mesanes de 751 y la scoles autes de 523“, nsci la nota dl intendënt Verra.
A chisc muessen nce njunté 25 scric ite tla scola profesciunela per l artejanat artistich de Urtijëi y 9 scric ite tl curs de spezialisazion per scultëures. La ativiteies didatiches per l ann de scola nuef meterà man ai 5 de setëmber 2017.
USP
