Atualità
Sfilada dl Egetmann candidada por Lista patrimone cultural UNESCO
La candidatöra dla sfilada tradizionala da carlacé de Tramin por l’inserimënt tla Lista patrimone cultural UNESCO gnará presentada ai 17 de forá.
La Sfilada dl Egetmann podess tosc fá pert di bëgns imateriai dl Patrimone cultural UNESCO, l’organisaziun dles Naziuns Unides por l’educaziun, la sciënza y la cultura. Le Minister di bëgns y dles ativités culturales y dl turism sostëgn la candidatöra, che á n iter compliché.
Le percurs, la situaziun atuala y i proscims vari dla candidatöra por l’inserimënt tla Lista dl patrimone cultural imaterial UNESCO dla sfilada Egetmann gnará presentada te na conferënza stampa
en vëndres, ai 17 de forá dl 2017
dales 09:00
tl salf stampa dla Junta provinziala
tl Palaz Widmann,
plaza Silvius Magnago 1
a Balsan
dal assessur por la cultura todëscia Philipp Achammer, adöm cun le parlamentar Manfred Schullian, le diretur dl Museum Tradiziuns y usanzes dla Jënt trentina de San Michele Giovanni Kezich, dal ombolt de Tramin Wolfgang Oberhofer y dal presidënt dl assoziaziuns Egetmann Günter Bologna.
usp
