Atualità

Contribuc Cultura ladina: incuntades incö a Badia y spo a S. Cristina

La Repartiziun Cultura ladina lascia alsavëi che les domandes por n contribut provinzial por l'ativité culturala 2017 mëss gní dades jö cina al 01 de forá 2017.

Contribuc provinziai por l'ativité culturala 2017: les domandes é da dé jö cina al 01 de forá

Ince chësc ann vara da ti dé jö les domandes por n contribut por programs culturai anuai diretamënter tles valades ladines a n colaboradù/na colaboradëssa dl Ofize Scora y Cultura ladina y da damané ince do informaziuns.

Chësc sorvisc vëgn pité por les lies dla Val Badia ciamó incö vëndres ai 27 de jená 2017 dales 16.00 ales 18.00 tla Ciasa de Comun de Badia (strada Pedraces 40) y spo por les lies de Gherdëna en lönesc ai 30 de jená 2017 dales 16.00 ales 18.00 tla Ciasa de S. Cristina (strada Chemun 1).

Les domandes ti pó sambëgn ince gní ortiades cina ai 31 de jená dl 2017 por posta o por pec ala Provinzia Autonoma de Balsan-Südtirol, Ofize Cultura y scora ladina 18.1, Bindergasse 29, 39100 Balsan (E-mail: culturayintendenzaladina@pec.prov.bz.it). I formulars dles domandes é da ciafé sön la plata internet http://www.provinz.bz.it/ladinisches-schulamt/themen/finanzielle-foerderung-formulare.asp o tl Ofize Cultura y scora ladina, Bindergasse 29, Balsan, Tel. 0471- 417020/21.

Les domandes de contribut por investimënc, proiec culturai, ativités artistiches, por publicaziuns ne á degun termo da respeté y pó gní dades jö tratan döt l’ann.

usp

Galaria dales fotografies