Atualità
Chino y Cultura: Sëira de film cun cërces da dut l mond ai 13/10
“Non sposate le mie figlie“ ie l titul dl prim film che unirà mustrà ai 13/10 tla scolina Salieta de Urtijëi. Spëises da dut l mond, da ciarcë. Ntreda debann.
L mond se à for mudà y ti ultim tëmps se mudel mo plu aslune. La persones se muev da n cuntinënt al auter y nëus union cunfrontei cun cultures nueves. Per purté pro a les capì y nes deriejer te chësc mudamënt mët l Departimënt Scola Ladina, la Comunità Raion Salten-Scilier y l Servisc Furmazion de Gherdëina adum cun la Butëiga dl Mond de Urtijëi doi sëires cun Ntan la prima sëira n juebia, ai 13 d’utober uniral mustrà l film “Non sposate le mie figlie” (na pelicula scialdi da rì che lascia perauter pensé do a nosc stereotips n cont de cultures religëuses y nosta credënzes plu sotes. L segondo film “Mustang” (che sará da odëi ai 10 de nuvëmber 2016) trata de na cuestion plu zitia y nia saurida ma che gëura na purtela sun n mond che possa nes fé tëma ma che pudon nce ntendër sce ti cialon plu daujin. La sëires vën menedes dala etnologa Hilde Strahl (per tudësch y talian) y ala fin aran la puscibltà, de gra ala culaborazion dla Butëiga dl mond, de ciarcë spëises da dut l mond.
Dutes y duc ie nviëi a unì tla scolina Salieta de Urtijëi a ti cialé al film “Non sposate le mie figlie”
ai 13 d’utober 2016
dala 20:00
tla scolina Salieta
de Urtijëi
Per deplù nfurmazions sun l film: http://www.monsieurclaude.de/
Ai 10 de nuvëmber 2016 sarál spo da udëi l film “Mustang”.
rc
