Atualità
Inauguraziun dla Fiera dla formaziun „Futurum“ ai 29/09
I assessurs Tommasini, Mussner y Achammer inaudará en jöbia ai 29 de setëmber la sesta ediziun dla Fiera dl Formaziun „Futurum“ a Balsan.
Dal 29 de setëmber al 1 de otober gnarál tigní a Balsan la Fiera dla Formaziun „Futurum“. La scomenciadia é ponsada dantadöt por scolars dla mesana y dl’alta cun na suraodüda sön les propostes formatives dl monn dles scores altes y profescionales, dla formaziun profescionala, dles Universités tl Südtirol y tles vijinanzes.
I assessurs Tommasini, Mussner y Achammer inaudará la Fiera dla Formaziun
en jöbia, ai 29 de setëmber,
dales 11.00
tla sënta dla Fiera da Balsan.
La moderaziun sará tles mans di studënc Milena Fallaha, Katharina Platschke y Giacomo Fabris. Tratan la Fiera ti gnarál dé n’atenziun particolara ala scomenciadia MINT y al gnará ince organisé le campionat statal dles profesciuns „Worldskills Italy“.
La Fiera Futurum vëgn organisada dala Ofize Promoziun dl Stüde, Université y Inrescida Scientifica adöm cun i Departimënc dla scora todëscia, taliana y ladina, dai Ofizi Formaziun permanënta dla Cultura todëscia y taliana, dala Repartiziun Laur, sciöche ince dal LVH-APA y dala Fiera Balsan. La Futurum 2014 é gnüda vijitada da 19.500 vijitadus. 244 sará les scores partezipantes, 24 les Universités y 18 i Ofizi y Partners dla scomenciadia.
Por plü informaziuns: www.futurum.it
rc
