Atualità

Presentaziun dl Dizionar Ladin Val Badia/Talian ai 08/09 a San Martin

L’Istitut Ladin Micurá de Rü lascia alsavëi che en jöbia, ai 8 de setëmber, gnarál presenté le Dizionar Ladin Val Badia / Talian dales 20:00 a San Martin.

Do cinch agn de inrescides, stüdi y aprofondimënc é le „Dizionar Ladin Val Badia / Talian – Dizionario Italiano –Ladino Val Badia“ dan man. Le proiet, scomencé tl 2011 dal Istitut Ladin, é gnü coordiné da Sara Moling en colaboraziun cun Ulrike Frenademetz, Xenia Ruggeri y Marlies Valentin cun l’aiüt tecnich de Paolo Anvidalfarei. La publicaziun nöia, dada fora dal Istitut Ladin Micurá de Rü, gnará presentada

en jöbia, ai 8 de setëmber dl 2016,

dales 20:00

tla sënta dl Istitut Ladin Micurá de Rü

a San Martin

en presënza dl assessur por la scora y cultura ladina Florian Mussner. La moderaziun sará dl diretur dl Istitut Ladin Leander Moroder, le liber nü gnará presenté dala coordinadëssa dl proiet Sara Moling, al baiará ince Alberto Faustini. Implü él preodü na performance artistica de Simon Kostner y musiga dal ví di SlimAsh.

 

rc