Atualità
Insegnanc: assegnaziun di posć ai 05 d’agost a Balsan
L’Intendënza ladina lascia alsavëi che al gnará fat l’assegnaziun di posć de rodul y di cuntrac a termo dl personal insegnant ai 05 d’agost 2016 dales 09.00.
Al vëgn lascé alsavëi che n vëndres ai 05 d’agost 2016 dales 09.00 pro la sënta dl’Intendënza ladina a Balsan, strada Binder n.29, gnarál fat l’assegnaziun di posć de rodul y di cuntrac a termo al personal insegnat sön la basa dles gradatöres provinziales a esaurimënt, dles gradatöres nöies y dles gradatöres di concursc ordinars nia ciamó esaurides por l’ann de scora 2016/17.
Dales 09.00 gnarál partí fora i posć lëdi tles scores mesanes y altes.
Dales 10.00 vëgnel spo partí fora i posć lëdi tles scores elementares.
Al’assegnaziun di posć mëss i candidac y les candidates se presenté cun n documënt d’identité varënt. Sce le candidat ne pó nia gní en chël de, pól se lascé rapresenté da na porsona de crëta cun n'autorisaziun scrita. Por plü informaziuns: http://www.provincia.bz.it/ntendenza-ladina/service/atualita-intendenza.asp?aktuelles_action=4&aktuelles_article_id=552479
rc
