Scora / Cultura | 27.11.2025 | 10:15

Porta davierta tl Lizeum d’Ert y tla Scola Prufesciunela

Di dla porta davierta tl Lizeum d’Ert “Cademia” y tla Scola Prufesciunela “La Prufesciunela” per l artejanat artistich de Urtijëi

URTIJEI (USP). Ai 29 de nuvëmber gëura l Lizeum d’Ert “Cademia” y la Scola Prufesciunela per l artejanat artistich “La Prufesciunela” de Urtijëi la portes a duc i sculeies dl daunì, a duc i genitores curiëusc y a duc i cumpanies y apasciunei dl ert.

I vijitadëures à l mesun de vijité la tlasses y la berstotes de tramdoi scoles y de se goder la gran puscibliteies y i vantajes dla cin’ sezions che vën pitedes. La truepa materies pratiches dal dessëni al mudelé, dal depënjer al ziplé, dal design a la grafica mostra sculeies che lëura sun uni sort de creazions, tecniches y opres pleines de creatività y laurei ora cun gran mutivation.

Lepró iel sculeies che mëina la jënt tres la scoles, dajan nfurmazions sui lëures desferenc y sulla maniera dl lauré de nosta scoles. L Lizeum d’Ert y la Scola Prufesciunela ne ie nia me scoles che nsenia l’ert o tecniches uniches tradizioneles de nosta val, ma les ie scoles che pieta na istruzion moderna y atuela. Danter la materies artistiches veniel enghe nseniá materies teoriches y adum pietles na fundamënta perfeta per na furmazion personela y prufesciunela.

L artejanat y l’ert fesc pert de nosta cultura y nosta scola gëura la stredes y artën nosc jëuni.

red