Autorisaziun dles strotöres de medejina

N sorvisc dl'aministraziun provinziala de Südtirol

Descriziun generala

Le proprietar o le rapresentant legal de na strotöra che pîta na assistënza te ospedal dé y nöt, o ma ia por le dé (day hospital), de na strotöra aposta olache al vëgn pité prestaziuns ambulantes fora dl ospedal a vigni ora o ma por un n dé o de na strotöra che pîta prestaziuns spezialistiches o d’atres te ambulatore o te ciasa, cun laprò la cura ai amarà, la reabilitaziun y la diagnostica stromentala y de laboratore, mëss avëi l’autorisaziun por podëi pratiché les ativitês tl setur sanitar. Chësta autorisaziun vëgn relasciada dal Ofize provinzial Gesundheitssteuerung.

Chësta autorisaziun por l'ativité é d'oblianza.

Le proprietar o le rapresentant legal po fà domanda por l’autorisaziun dl proiet, sce al à l’intenziun da fà sö na strotöra nöia de assistënza sanitara o de trasformè, aumentè o renovè na strotöra che é bele.
Chësta autorisaziun é d’oblianza sce an ô damanè do n contribut por investiziuns aladô dla lege provinziala n. 60 dl 1973.

L’ativité, por chëra che al vëgn damanè n contribut, mëss gnì fata te na strotöra tla provinzia de Balsan.

Autorisaziun por la costruziun de na strotöra sanitara nöia, por la trasformaziun, l’ampliamënt o la restortoraziun de strotöres sanitares che é bele.

La documentaziun da dè dant variëia aladô dla sort dl intervënt.

  • Por l’autorisaziun de na strotöra sanitara (d’oblianza) él da injuntè pro la domanda la documentaziun suandënta:
  • n plann di salamënć, olache al gnarà fat les ativitês (sön scala 1:100)
  • n atestat de abitabilité di salamënć
  • n regolamënt sanitar intern
  • na detlaraziun dla surantuta dl’inćiaria da pert dl diretur sanitar, sce al é preodü na te’ funziun
  • na autovalutaziun di recuisić dà dant por l’autorisaziun
  • na lista di colaboradus cun la cualificaziun respetiva y na copia dl titul de stüde
  • na lista dles atrezadöres y n plann de manutenziun
  • le formular por l’autorisaziun dles strotöres sanitares

Pro la domanda él da injuntè n martl da bol da 16,00 Euro.

(Sorvisc actualisá ai: 20/09/2017)

Ënt competënt

23.2. Amt für Gesundheitssteuerung
Palazzo 12, via Canonico Michael Gamper 1, 39100 Balsan
Telefonn: 0471 41 80 50
0471 41 80 51
Fax: 0471 41 80 69
PEC: gesundheitssteuerung.governosanitario@pec.prov.bz.it
Plata internet: http://www.provincia.bz.it/salute

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00, 14.00 - 17.30

Terminns

La domanda por l’autorisaziun dles strotöres de medejina o dl’ativité mëss gnì menada ite denant che l’ativité mëtes man y ara é d’oblianza.

La domanda d’autorisaziun por la costruziun de na strotöra sanitara nöia o por la trasformaziun, l’ampliamënt o la restrotoraziun de na strotöra sanitara che é bele é facoltativa.