Carateristiches dles plates

CHIRIDA

Les plates plates provinziales á dër n bun motor d’archirida. Sön les plates provinziales pól gní chirí debota y a na moda efiziënta, avisa sciöche pro les maius mascins d’archirida. La parora chirida condüj ala suravijiun de düc i resultac filtrá aladô de sorvisc, news, contac, istituziuns y videos.

SEO

Por ciafé por les plates nöies i mius resultac él dër important che an se tëgnes ales regoles SEO plü importantes. Le mioramënt dla mascin d'archirida (SEO stá por Search Engine Optimization) mët bele man cun la strotoraziun dles plates y vá cina ales poscibilité desvalies dl mioramënt dl contignü.

Modui

Les plates nöies, strotorades a livel grafich a na moda tlera, pó gní laurades fora (feter) sciöche an ó cun bel anfat ci elemënc. Dlungia elemënc standard por tesć y imajes pól gní ajunté danterater files audio, na galeria de fotografies, na Twitterwall, n Facebook-plugin, n newstracker, n video-plugin, le calënder o n botun por l'abonamënt ala newsletter.

Template

N layout nü, na strotoraziun tlera, informaziuns saurides y na navigaziun sön i aparac finai mobii: aladô de chëstes indicaziuns vëgn i contignüs da sëgn portá tles plates nöies dla Provinzia. Le template nü vá a öna cun le Corporate Design dl'aministraziun provinziala.

Imajes

Les fotografies y grafiches por organisé les plates provinziales nöies pó gní adorades individualmënter. L'important é che les imajes pois gní adorades zënza lizënza. La redaziun zentrala pó mëte a desposiziun fotografies dl archif-OSP.

Mobile responsive

Les plates internet nöies dla Provinzia vëgn programades sciöche plates web responsive. Les plates internet cun n design web responsiv vëigon sön düc i aparac finai (laptops, desktop-compiutri, tablets, smartphones, e-book-readers y televijiuns) sciöche al alda.

 Sitemap