Hauptinhalt

Sconanza dles mendranzes a livel europeich

Le Südtirol é caraterisé dales cultures y dai lingac di trëi grups etnics todësch, talian y ladin. Düć trëi i grups linguistics ô renforzè le svilup linguistich y cultural de so grup por mantignì y renforzè süa identité. Le lingaz y la cultura é la fondamënta de vigni grup etnich, dantadöt por les mendranzes etniches. Düć trëi i grups etnics dl Südtirol ti dà porchël na gran importanza a süa autonomia linguistica y culturala.

L'autonomia dl Südtirol é la fondamënta por mantignì nosta varieté etnica y culturala. L'aministraziun provinziala se crüzia porchël inće dla sconanza di grups etnics a livel europeich.

La Junta provinziala po ti surandè vigni ann a öna o de plü porsones che se dà particolarmënter da fà por la pêsc, la sconanza dles mendranzes y la convivënza di grups linguistics le Pest dles mendranzes dla Provinzia autonoma de Balsan-Südtirol. Le pest é n atestat olache al é scrit sö les rajuns por le conferimënt y na soma de 20.000,00 euro.