FAQ

[Avocatöra]

Ulà muessi pa jì per giapé n zertificat de purtenienza o de agregazion ala grupa linguistica?


Mëssëis jì persunalmënter cun n documënt d’identità che vel pra l Tribunal de Bulsan - Ufize Purtenienza ala grupa linguistica, Plaza dl Tribunal 1, entreda dala Streda Duca d'Aosta, (telefonn 0471/226312 o 226313).

Sce ne stajëis nia a Bulsan pudëis damandé do pra la sëntes destachedes dl Tribunal, te chisc chemuns:
Persenon – Plaza dl Dom 3 – tel. 0472/97 00 73
Burnech –  Graben 7 – tel. 0474/55 52 98
Maran – Rennweg 73 – tel. 0473/23 73 34
Schlanders – Gerichtsstraße 2 – tel. 0473/73 01 21

Data: 26.7.2013
[Avocatöra]

Ulà giati pa nfurmazions detaliedes sun scumenciadives y cursc tla segonda rujeneda y de rujenedes fulestieres?


Pudëis damandé do pra l Ufize de bilinguism dla Repartizion provinziela Cultura taliana o pra l Ufize educazion permanënta dla Repartizion provinziela Cultura tudëscia nuzan l’adresses repurtei tlo dessot.  

Oradechël possen giapé pra l Zënter multilinguel(Centro Multilingue) de Bulsan y pra la Mediateca Multilinguela (Mediateca multilingue) de Maran consulënzes linguistiches per n stude persunalisà dla rujenedes taliana, tudëscia, ngleja, franzëusa, spanuela, russa y portugheja y nce consulënzes  linguistiches debant per se njinië al ejam de bi- y trilinguism. I zëntri ie njiniei ite cun de bela biblioteches modernes cun tesć y materiai tla forma de papier y multimediela per uni età  y per uni livel de cunescënza linguistica y i possa unì mprestei ora o consultei iló.

Data: 21.6.2011
[Avocatöra]
Po pa l'Avocatöra ti pité la consulënza legala a porsones privates?

Les  porsones privates ne ciafa degöna consulënza legala dal'Avocatöra dla Provinzia, ajache ara rapresentëia ma i interesc dla Provinzia.

Data: 21.6.2011
[Avocatöra]

Ulà muessi pa damandé do per avëi nfurmazions sun l ejam de trilinguism?


Pra l Servisc ejams de bi- y trilinguism che se cruzia dla urganisazion y dl se dejëujer di ejams de bi- y trilinguism y che pieta n servisc de nfurmazion ala persones che uel fé l ejam.

Data: 21.6.2011