Rapresentanza a Roma

La sënta dla Provinzia autonoma de Balsan a Roma é n zënter de rapresentanza di interesc provinziai tla capitala y n post de coliamënt danter i ofizi provinziai, i organs statai y la Conferënza Stat-Regiuns.

Conferënza dles Regiuns y dles Provinzies autonomes

Storia

La Conferënza dles Regiuns y dles Provinzies autonomes (nominada naota Conferënza di Presidënc dles Regiuns y dles Provinzies autonomes) é gnüda metüda sö de jená dl 1981 sciöche organism de coordinamënt politich danter i Presidënc dles Juntes Regionales y dles Provinzies autonomes. L'obietif prinzipal dla Conferënza é sostigní tres l'acordanza dles istanzes regionales y provinziales desvalies, la condivijiun de na posiziun unitara de dötes les Regiuns y Provinzies autonomes da fá avarëi tl confrunt dl Stat zentral. La Conferënza á odü crësce so rode cun l’istituziun dla Conferënza Stat-Regiuns (1983), la Conferënza Unificada (1997) y nia por ultimo cun la jüda en forza dla reforma costituzionala dl 2001.

Componënc

Al é componënc dla Conferënza dles Regiuns y dles Provinzies autonomes i vint Presidënc dles Regiuns talianes y i dui Presidënc dles Provinzies autonomes de Trënt y de Balsan. Sön delegaziun de so Presidënt pól tó pert ales reuniuns dla Conferënza ince i assessurs regionai y provinziai.

Organisaziun

Le Presidënt dla Conferënza dles Regiuns y dles Provinzies autonomes y le Vizepresidënt vëgn litá vigni cin agn dai mëmbri dla Conferënza. Le termin de tomanza vá a öna cun les lîtes regionales.

Dal 2005 é l’organisaziun strotorada te 11 Comisciuns permanëntes:

  1. Comisciun Afars Istituzionai y Generai
  2. Comisciun Afars Finanziars
  3. Comisciun Afars Comunitars y Internazionai
  4. Comisciun Infrastrotöres, Mobilité y Govern dl Teritore
  5. Comisciun Ambiënt y Energia
  6. Comisciun Bëgns y Ativités Culturales (cun les Sotcomisciuns Sport y Turism)
  7. Comisciun Sanité
  8. Comisciun Politiches Soziales
  9. Comisciun Istruziun, Laur, Inovaziun y Inrescida
  10. Comisciun Agricoltöra
  11. Comisciun Ativités Produtives

Dl 2010 él ince gnü metü sö na Comisciun speziala por la Proteziun zivila.
Les Comisciuns é metüdes adöm da assessurs regionai y provinziai. Ince so Coordinamënt vëgn renové vigni cin agn.

Conferënza Stat-Regiun

La Conferënza permanënta por i raporc danter le Stat, les Regiuns y les Provinzies autonomes de Trënt y Balsan (Conferënza Stat-Regiuns (Link esterno) ) laora por sostigní la cooperaziun danter l’ativité de Stat y chëra dles Regiuns y les Provinzies Autonomes, rapresentan la "sënta privilegiata" dla negoziaziun politica danter les Aministraziuns zentrales y le sistem dles autonomies regionales. Ara é gnü metüda sö dl 1983 y vëgn regolada cun la lege 400/1988. Cun le decret legislatif n. 281/1997, él gnü renforzé süa funziun consultiva, la fajon obligatoria por düc i dessëgns de lege, regolamënc y decrec legislatifs en materia de competënza regionala adotá dal Govern.

L’ativité dla Conferënza se mostra tres arac, intenüdes, acordanzes, acuisiziuns de nominaziuns de rapresentanc regionai/provinziai tl cheder de organism a composiziun moscedada.

Altamo dui iadi al ann vëgnel cherdé ite na sessiun aposta por baié di aspec dla politica comunitara d'interes regional y provinzial. Te chësc contest vëgnel garantí che tl’elaboraziun di ac comunitars vëgnel assiguré l'acordanza dla politica zentrala cun i bojëgns dles Regiuns/Provinzies autonomes tles materies de süa competënza.

Composiziun

A ce él le Minister por i Afars Regionai sön delegaziun dl Presidënt dl Consëi y ara é metüda adöm dai Presidënc dles Regiuns y Provinzies autonomes. Le Presidënt pó ince invié a tó pert ales sëntades i ministri y i rapresentanc politics dles aministraziuns statales y di ënc publics interessá ai argomënc sön l'ordin dl de.

Organisaziun

A ce dl Secretariat dla Conferënza él n diretur general y sis strotöres organisatives cun a ce dirigënc de provegnënza statala o regionala. Ince i atri colaboradus dl Secretariat é sides dependënc regionai che statai.

Conferënza Unificada

La Conferënza Unificada (Link esterno) é gnüda metüda sö cun Dlgs. 281/1997 che á definí ince la composiziun, i compic y la strotöra organisativa y operativa. Ara ademplësc la funziun da sostigní la cooperaziun danter le Stat y le sistem dles autonomies (Regiuns, Provinzies, Comuns y Comunités de munt) por garantí coerënza y coordinamënt danter les ativités legislatives y aministratives.

Sciöche pro la Conferënza Stat-Regiuns se mostra ince l’ativité dla Conferënza Unificada tres arac, intenüdes y acordanzes. Süa strotöra organisativa ti corespogn a chëra dla Conferënza Stat-Regiuns.

La Conferënza Unificada é metüda adöm dai mëmbri dla Conferënza Stat-Regiuns y dla Conferënza Stat-Cité y dles autonomies locales (Presidënc Anci, Upi, Uncem, n valgügn Ombolc y Presidënc de Provinzia, le Minister dl Intern, le Minister de Economia y Finanzes, le Minister de Infrastrotöres y Trasporc, le Minister dl Laur y le Minister dla Sanité).

Patronac

Ëise debojëgn de sostëgn por chestiuns burocratiches ti ofizi publics a Roma? Povester podunse ves daidé. Cherdësse sö al numer de telefon 06/6979111 o menësse na mail.

Infopoint Turism

Te nosc ofize metunse a desposiziun deplianc turistics y informaziuns de retlam d'öga por osta proscima vacanza tl Südtirol. Vijitede ince le portal dl SüdtirolLink esterno).

Practicums tl Ofize de Roma

Studënc universitars y porsones che s'á impormó laureé pó fá n practicum de trëi mëisc tl Ofize de Roma dla Provinzia autonoma de Balsan. Por le fá vál debojëgn da passé na proa d’idoneité fajon n ejam a usc sön: la storia dl’Autonomia dl Südtirol, le dërt costituzional y le sistem politich talian en general. La proa vëgn fata te tramidui i lingac dla provinzia autonoma de Balsan y sön domanda póra gní fata ince a Balsan. Por de plü informaziuns ciarede ince le link: Practicums pro l’Aministraziun provinziala dl Südtitol. Sce i sëis interessá al practicum te nosc Ofize de Roma podëise contaté diretamënter la direturia, la dot.ssa Katharina Tasser, al numer 06-69791120 o ti scrí na mail.

Contat

Außenamt Rom
via del Gesù 57
00186 Rom

Tel. 06 69791120
Fax 06 6791404