Stlüt jö n ann de scora 2019/20 particolar

L’ann de scora apëna rové é gnü caraterisé dal insegnamënt da ciasa sciöche conseguënza dl coronavirus. Alfreider, Achammer y Vettorato á fat n bilanz adöm ai rapresentanc de scolars y geniturs.

I assessurs Vettorato, Achammer y Alfreider tratan la conferënza de contlujiun dl ann de scora incö a Balsan (Foto: USP/Thomas Laconi)

Na “scora por la vita cun perts positives y negatives” é sté l’ann de scora 2019/20 che s’á stlüt jö cun i Ejams de Stat. Chësc é sté un n fazit di trëi assessur por la scora ladina, todëscia y taliana Daniel Alfreider, Philipp Achammer y Giuliano Vettorato en ocajiun dla conferënza stampa de contlujiun dl ann scolastich incö ai 6 de lugio a Balsan. Al é sté la poscibilité da stlü jö ofizialmënter l’ann de scora condizioné dal insegnamënt da ciasa porvia dla defujiun dl coronavirus. 

Secunda pert dl ann de scora sciöche scora de vita

L’assessur por la scora ladina Daniel Alfreider á dit che “la secunda pert dl ann de scora é stada por nos düc na scora de vita. Düc i partners dl monn dla scora, dai scolars, ai geniturs, insegnanc y aministradus, á lauré adöm por podëi stlü jö l’ann le plü bun che ara jô”, á dit Alfreider. Bele da d’altonn á la scora ladina investí tla digitalisaziun dles scores y che é spo sté n vantaje tratan i mëisc de insegnamënt da ciasa. “Mo i messun ciamó lauré y investí inant te chësc setur dla digitalisaziun tl dagní. L’insegnamënt da ciasa ne podará indere mai ester n’alternativa ala scora, mo eventualmënter n’oferta ajuntiva”, insciö Alfreider.

Importanza de contac soziai 

Ince l’assessur por la scora todëscia Philipp Achammer á sotligné les desfides dl insegnamënt da ciasa. “Porchël á chësc ann de scora impó la medema valüta sciöche i agn passá, mo cun sües perts positives y negatives”. I contac soziai y l’avalianza de oportunités é dui faturs prinzipai dla formaziun che pó ma gní garantis cun l’insegnamënt en presënza, insciö Achammer.

L’assessur por la scora taliana Giuliano Vettorato á sotligné che al é sté n ann dër particolar cun “na seria de aspec positifs che reverda l’insegnamënt da ciasa cun gran mirit che tiv á dantadöt ala costanza y ala pasciun di scolars y di insegnanc che á tut sö chësta desfida”. Por Vettorato é insciö l’arat complessif dl ann de scora positif y al vëgn bele lauré a de plü scenars por garantí le plü che ara vá l’insegnamënt en presënza por l’ann de scora 2020/21.

Scicöhe al é da imparé da susc... 

Le punt de odüda da pert dles scolares y di scolars é gnü porté dant tratan la conferënza stampa da pert de Ivan Gufler dla Consulta di Studënc: “Tl mëteman él tröc scolars contënc y coriusc da podëi manajé autonomamënter le de. Spo unse odü sciöche al é da messëi imparé da susc”. Gufler á spo descrit les dificoltés tecniches porvia de plataformes desvalies y de conesciuns internet a pé zot y ince por la preparaziun nia adatada da pert de n valgügn insegnanc. Al á sotligné che la formaziun ne pó nia depënn dales carateristiches singules di scolars da ciasa infora.

Desfides di geniturs

“Nia da tigní fora é sté l’insegnamënt da ciasa por tröc geniturs”, insciö le fazit de Noemi Frontull, rapresentanta dla Consulta di geniturs. La charta di scolars ne é nia gnüda atuada tratan i mëisc da merz inant. “Al é gnü a se le dé tröpes dificoltés por i geniturs, danter l’ater por ci che reverda le Homeoffice y Homeschooling ince por gaujia de problems tecnics. Le mitans y i mituns á messü sté sciöche pröms a ciasa y á podü jí sciöche ultims indô fora”, isnciö Frontull, che á damané deplü integraziun tles dezijiuns da pert di geniturs.

I resultac

N odlada ti él ince gnü dé ai resultac di Ejams de Stat cun indöt 4047 scolares y scolars cha á ciafé n arat positif. De chisc á fat 2721 scolares y scolars l’Ejam de Stat pro na scora alta todëscia, 1225 pro na scora taliana y 101 pro na scora ladina. Tles scores altes ladines él indöt 10 scolares y scolars che á ciafé na valutaziun finala de 100 punc y 1 n scolar á ciafé 100 cun lalda. 175 scolares y scolars á ciafé 100 punc pro l’Ejam de Stat te na scora todëscia, implü 62 ince cun lalda. Tles scores talianes él 103 scolares y scolars che á ciafé 100 punc pro l’ejam final y implü 29 ince cun lalda.

Tles scores mesanes él sté indöt 5771 candidates y candidac (4118 dt., 1381 it., 272 lad.) che á ciafé n arat positif pro  les proes de contlujiun dla terza classa dla scora mesana (la presentaziun cun düc i dac é injuntada).

Dac dla scora ladina

Por ci che reverda la scora ladina él indöt gnü valuté tl ann de scora apëna rové 2.390 scolares y scolars, 33 demanco co l’ann denant. Insciö é le numer dles iscriziuns romagnü scialdi anfat. Tles scores elementares él gnü ametü dötes les scolares y düc i scolars ala proscima classa, indöt 1.113, indöt 24 demanco co l’ann denant. Tles scores mesanes él gnü valuté inann 756 scolares y scolars, indöt 28 demanco co l’ann passé.  Por ci che reverda les scores altes y la scora profescionala por l’artejanat artistich él gnü valuté 521 scolares y scolars. 520 á ciafé n arat positif, 1 na scolara ne é indere nia gnüda ametüda ala proscima classa.

Scora da d’altonn

I trëi assessurs á spo presenté i scenars desvalis por le scomenciamënt dla scora da d’altonn. Al gnará lauré por garantí le plü che ara vá l’insegnamënt tles classes. “I laorun dötaurela trëi scenars. N model vërt cun n insegnamënt sciöche dan l’emergënza, n model ghel cun na situaziun epidemiologica sciöche de ma y n model cöce che reverda situaziuns de lockdown”, á splighé Achammer. “A vigni moda dess les esperiënzes fates ti ultims mëisc gní valorisades por garantí le svilup scolastich plü otimal poscibl”, insciö Alfreider.

DOWNLOAD-LINKS

INTV PHILIPP ACHAMMER DE
VIDEO
AUDIO

INTV DANIEL ALFREIDER LA
VIDEO
AUDIO

INTV GIULIANO VETTORATO IT
VIDEO
AUDIO  

INTV IVAN GUFLER DE (1+2)
VIDEO
AUDIO

LINK DOWNLOAD STATEMENTS

STATEMENT PHILIPP ACHAMMER 1
VIDEO
AUDIO
00.00.00 Vorbereitungen
00.02.04 Achammer DE

STATEMENT DANIEL ALFREIDER 1
VIDEO
AUDIO
00.00.00 Alfreider LA
00.02.10 Alfreider IT
00.03.07 Alfreider DE

STATEMENT GIULIANO VETTORATO 1
VIDEO
AUDIO
00.00.00 Vettorato IT

STATEMENT IVAN GUFLER
VIDEO
AUDIO
00.00.00 Philipp Achammer Vorstellung
00.01.14 Ivan Gufler DE
00.02.14 Ivan Gufler IT
00.02.45 Ivan Gufler DE
00.03.00 Ivan Gufler IT
00.03.40 Ivan Gufler DE
00.03.50 Ivan Gufler IT
00.04.50 Ivan Gufler DE
00.04.56 Ivan Gufler IT
00.05.45 Ivan Gufler DE
00.06.10 Ivan Gufler IT
00.06.24 Ivan Gufler DE
00.06.34 Ivan Gufler IT
00.07.05 Ivan Gufler DE
00.07.19 Ivan Gufler IT
00.07.28 Ivan Gufler DE
00.07.35 Ivan Gufler IT
00.09.00 Ivan Gufler DE
00.09.30 Ivan Gufler IT
00.09.50 Ivan Gufler DE
00.10.10 Ivan Gufler IT

STATEMENT NOEMI FRONTULL
VIDEO
AUDIO
00.00.00 Noemi Frontull DE
00.00.32 Noemi Frontull IT
00.00.40 Noemi Frontull DE
00.02.25 Noemi Frontull IT
00.02.55 Noemi Frontull DE
00.03.23 Noemi Frontull IT
00.03.36 Noemi Frontull DE

STATEMENT PHILIPP ACHAMMER BIS
VIDEO
AUDIO
00.00.00 Achammer DE - BIS

STATEMENT DANIEL ALFREIDER BIS
VIDEO
AUDIO
00.00.00 Alfreider DE - BIS

STATEMENT GIULIANO VETTORATO BIS
VIDEO
AUDIO
00.00.00 Vettorato IT - BIS

STATEMENT PHILIPP ACHAMMER TER
VIDEO
AUDIO
00.00.00 Achammer DE - TER

STATEMENT DANIEL ALFREIDER TER
VIDEO
AUDIO
00.00.00 Alfreider DE - TER

STATEMENT GIULIANO VETTORATO TER
VIDEO
AUDIO
00.00.00 Vettorato IT - TER

STATEMENT ACHAMMER ABSCHLUSS
VIDEO
AUDIO
00.00.00 Achammer DE - Abschlussbemerkungen

USP/jw

Galaria dales fotografies