Mangé sann, bun y natural tla scolina:Presentaziun dl proiet ai 19/06

Surandada de morins por cujiné en ocajiun dla presentaziun dl proiet dl’alimentaziun sana tles scolines ladines ai 19 de jügn a San Martin de Tor.

Invit ala presentaziun dl proiet "Mangé sann, bun y natural tla scolina"

Mangé sann é n aspet fondamental por l’evoluziun dles mitans y di mituns bele dala nasciüda insö. Por ti dé plü atenziun a chësc aspet y por analisé les nezescités él la Direziun dles scolines che metará da jí le proiet "Mangé sann, bun y natural tla scolina". La presentaziun ofiziala dl proiet gnará a se le dé cun la surandada de morins da ciasadafüch ales cöghes y ai coghi dles scolines

en vëndres, ai 19 de jügn

dales 09:00

tl salf dl Istitut Ladin Micurá de Rü

a San Martin de Tor

en presënza dl assessur por la scora ladina Daniel Alfreider, l’intendënta ladina Edith Ploner,  l’ ispeturia dles scolines Elisabeth Baur y la direturia dles scolines ladines Hannelore Insam.

USP/ASP

Galaria dales fotografies