Les zifres ajornades dl Coronavirus nü tl Südtirol

L'Aziënda sanitara dl Südtirol comunichëia les zifres atuales dles porsones resultades positives al Coronavirus nü, chëres en insolamënt a ciasa, dles vitimes y por ci che reverda les ciases de palsa.

Cina sëgn él 1082 porsones resultades positives al Coronavirus nü (Foto: pexels.com)

Le Laboratore de microbiologia y virologia dl'Aziënda sanitaria provinziala fej dötaurela döt le poscibl por analisé les proes dades jö. Da inier a incö dadoman, sabeda 28 de merz él gnü analisé 648 tesć. Les porsones resultades positives al Coronavirus nü é de 79.

Le numer dles porsones infetades dal Coronavirus nü é insciö de dötadöm 1.082. Cina sëgn él gnü fat 9.168 tesć a indöt 5.509 porsones.

Al é 225 porsones cun Covid-19 che á debojëgn d'assistënza ti ospedai. Implü él 66 caji de porsones olache an á le sospet che ares ais la maratia.

Tles repartiziuns de terapia intensiva di ospedai dl Südtirol él 51 porsones amarades de Covid-19. Implü él dötaurela 9 paziënc te terapia intensiva tl’Austria (Reutte, Lienz, Hall, Desproch).

Le numer dles porsones liades al Covid-19 y spo mortes é de 64.

En isolamënt doblianza a ciasa él dötaurela 3.935 porsones.

Al é indöt 127 colaboradësses y colaboradus dl Aziënda sanitara dl Südtirol che é resultades positives al Coronavirus nü. Implü él 9 doturs de medejina de basa y 2 pediatri lëdi che röia lapró.

Por ci che reverda les porsones varides da Covid-19 é le numer atual de 70. Les porsones infetades che dedo vëgn testades por dui iade cun trami dui arac negatifs vëgn conscidrades sciöche varides

I dac en cört

Tesć fac da inier cina incö dadoman (28 de merz): 648

Tesć positifs da inier cina incö dadoman: 79

Tesć fac dötadöm cina sëgn: 9.168

Porsones testades dötadöm cina sëgn: 5.509

Caji de porsones resultades positives al Coronavirus nü: 1082

Paziënc cun Covid-19 che á debojëgn d'assistënza ti ospedai: 225

Paziënc cun Covid-19 che á debojëgn d'assistënza de terapia intensiva: 51

Caji de sospet de porsones che á debojëgn d'assistënza ti ospedai: 66

Vitimes da iner a incö: 4

Vitimes dötadöm64

Porsones en isolamënt d’oblianza a ciasa: 3.935

Porsones varides: 70

Colaboradësses y colaboradus dl Aziënda sanitara resultá positifs al test: 127

Doturs de medejina generala y pediatri lëdi positifs: 11

Situaziun tles ciases de palsa (situaziun ajornada a inier da sëra ai 27 de merz)

I dac che fej referimënt ales porsones tles Ciases de plasa provinziales, che á fat le test Covid-19 y é resultades positives é en aumënt. Porsones resultades positives é gnüdes registrades te 48 tles 77 ciases de palsa dla Provinzia alado dl raport dla Unité de crisa ajorné inier da sëra ai 27 de merz:

Residënc tles ciases de palsa resultá positifs al test Covid-19: 101 tles strotöres y 7 ti ospedai (en confrunt ai 26 de merz 96 + 8)

Residënc tles ciases de palsa en isolamënt: 371 (en confrunt ai 26 de merz: 276)

Vitimes: 14 (en confrunt ai 26 de merz: 10)

Operadus positifs al test: 85 (en confrunt ai 26 de merz: 55)

Operadus en carantena: 57 (en confrunt ai 26 de merz: 42)

Les tabeles cun i detais partis sö por Comun  dles porsones positives y en isolamënt gnará publicades pornanche che ares é danman.

USP/asds

Galaria dales fotografies