Les zifres ajornades dl Coronavirus nü tl Südtirol

L'Aziënda sanitara dl Südtirol comunichëia les zifres atuales dles porsones resultades positives al Coronavirus nü, chëres en insolamënt a ciasa y dles vitimes.

Da inier a incö dadoman él gnü analisé 677 tesc. Les porsones resultades positives al Coronavirus nü é de 74. (Foto: ASDAA)

Le Laboratore de microbiologia y virologia dl'Aziënda sanitaria provinziala fej dötaurela döt le poscibl por analisé les proes dades jö. Da inier a incö dadoman él gnü analisé 677 tesć. Les porsones resultades positives al Coronavirus nü é de 74.

Le numer dles porsones infetades dal Coronavirus nü é insciö de dötadöm 910. Cina sëgn él gnü fat 7.744 tesć a indöt 4.895 porsones,

Al é 222 porsones che á debojëgn d'assistënza ti ospedai. Implü él 59 caji de porsones olache an á le sospet che ares ais la maratia.

Tles repartiziuns de terapia intensiva di ospedai dl Südtirol él 51 porsones amarades de Covid-19.

Le numer dles porsones infetades dal Coronavirus nü y spo mortes por complicaziuns liades ai sintoms dl Covid-19 é aumenté. Dötadöm é le numer dles porsones mortes de 53.

En isolamënt a ciasa él dötaurela 3.215 porsones.

Al é indöt 127 colaboradësses y colaboradus dl Aziënda sanitara dl Südtirol che é resultades positives al Coronavirus nü.

Por ci che reverda les porsones varides da Covid-19 é le numer atual de 50. Les porsones infetades che dedo vëgn testades por dui iade cun trami dui arac negatifs vëgn conscidrades sciöche varides

L’Aziënda sanitara stlarësc ince che i tesć asvelc sön le Coronavirus, che vëgn adorá tres deplü da porsones privates por ciafé anticorps y antigens, ne pó nia gní adorá impede di tesć fac te laboratore. Chisc tesć, che ne vëgn nia reconesciüs dal’Organisaziun mondialia dla sanité  y gnanca dal Zënter de prevenziun y control dles maraties europeich, ampliëia le risch de caji de positivité falada y negativité falada y pó insciö porté a comportamënc falá porvia de na segurté nia zertificada dai tesć sigüsc. I tesć molecolars ti laboratori é atualmënter l’unica forma che pó zertifiché la positivité o negativité al Covid-19. Impó él l’Aziënda sanitara che analisëia sce chisc tesć pó gní adora por sostigní le laur te laboratore. 

I dac en cört

Tesć fac da inier cina incö dadoman (26 de merz): 677

Tesć positifs da inier cina incö dadoman: 74

Numer complessif di tesć fac cina sëgn: 7.744

Numer complessif dles porsones testades: 4.895

Caji de porsones resultades positives al Coronavirus nü: 910

Paziënc cun Covid-19 che á debojëgn d'assistënza ti ospedai: 222

Paziënc cun Covid-19 che á debojëgn d'assistënza de terapia intensiva: 51

Caji de sospet de porsones che á debojëgn d'assistënza ti ospedai: 59

Vitimes da iner a incö: 8

Vitimes dötadöm: 53

Porsones en isolamënt a ciasa: 3.215

Porsones varides: 50

Colaboradësses y colaboradus dl Aziënda sanitara resultá positifs al test: 127

Les tabeles cun i detais partis sö por Comun  dles porsones positives y en isolamënt gnará publicades pornanche che ares é danman.

 

USP/asds

Galaria dales fotografies