Coronavirus: i numeri dl Coronavirus nuef tl Südtirol

L'Azienda Sanitera dl Südtirol fej al savëi l numer atualisà di pazienc che se à tacà l coronavirus nuef, la carantenes a cësa y la vitimes.

L Lauratuere de Microbiologia y Virologia dl'Azienda Sanitera lëura inant cun dut l sgors per analisé i tesc (tampons) dac ju. (Foto: pexels.com)

Lauratuere de Microbiologia y Virologia dl'Azienda Sanitera lëura inant cun dut l sgors per analisé i tesć (tampons) dac ju. Da inier a ncuei da duman iel unit analisà 537 tampons. 65 de chisc ie resultei positifs.

L numer dla persones che se à tacà l coronavirus nuef ie cundechël jì su a 789.

De ndut iel nchin a ncuei unì testà 4.292 persones che ie unides sometudes a 6.631 tesć.

204 persones amaledes de Covid-19 vën curedes ti spediei. Oradechël iel ti spediei 66 caji de pazienc cun na nfezion suspeteda.

Tla terapies intensives di spediei dla provinzia vëniel curà 48 persones amaledes de Covid-19.

L numer dla persones che se à tacà l coronavirus nuef y che à messù murì per cumplicazions liedes ai sintoms dl Covid-19 ie mo avanà. Ncuei daduman iel unì cumpedà 9 vitimes nueves. De ndut ie l numer dla persones mortes cun Covid-19 ruvà su a 44. Nce pra la 9 persones mortes danter inier y ncuei se tratel de persones de tëmp che ova  bele dant malaties defrëntes. Tl mumënt ie 2.365 persones n carantena a cësa.

 

I dac n curt:

Tesć (tampons) analisei danter inier y ncuei da duman: 537

Tesć positifs nchin ncuei da duman: 65

Numer de duc i tesć fac: 6.631

Numer de duta la persones sometudes a n test: 4.292

Caji de persones che se à tacà l coronavirus: 789

Pazienc cun Covid-19 curei ti reparc di spediei: 204

Pazienc cun Covid-19 curei tla terapia intensiva: 48

Caji suspetei n cura: 66

Vitimes da inier a ncuei da duman: 9

Vitimes de ndut: 44

Persones n carantena: 2.365

La tabeles ala menuda cun la partizion aldò di chemuns di positifs y dla persones n carantena unirà fac al savëi te curt tëmp.

USP/asds

Galaria dales fotografies