Coronavirus, lîtes de comun sburlades

Le presidënt dla Regiun, Arno Kompatscher á sotescrit inier (ai 10 de merz) le decret de sburlada dles lîtes de comun preodüdes por i 3 de ma.

Ince do les desposiziuns dl decret sotescrit ai 9 de merz dal presidënt dl Consëi, Giuseppe Conte, che prevëiga sön döt le teritore nazional les mosöres por tigní sö le Coronavirus, che ê naota gnüdes preodüdes ma por la Lombardia y d’atres 14 provinzies talianes, á la Regiun Trentin-Südtirol tut la dezijiun da sospëne la convocaziun dles lîtes de comun. Le decret de sburlada dles lîtes de comun vëgn sotescrit inier (ai 10 de merz) dal presidënt dla Regiun, Arno Kompatscher.

Le decret ne vëiga nia ma danfora la sospenjiun dles lîtes de comun programades por i 3 de ma (cun lîtes dezisives eventuales ai 17 de ma dl 2020), mo ince che la data dles lîtes nöia vëgnes fissada cun n decret suandënt. A chësta moda vëgnel sburlé düc i termins preodüs  (publicaziun placac de convocaziun, deponüda facoltativa di sëgns de lista, presentaziun dles candidatöres y i.i.) che gnará definis danü aladô dla data dles lîtes nöia.

USP/USP