Ejam de ladin dl’Intendënza ladina: Iscriziuns cina ai 10 de jená

Cina ai 10 de jená 2020 pó les candidates y i candidac se scrí ite al ejam de ladin dl’Intendënza ladina.

Les candidates y i candidac che ó gní tutes/tuc sö tles gradatöres por insigné tles scores elementares, mesanes, altes, profescionales o de musiga y tles scolines dles valades ladines mëss superé l’ejam de ladin organisé dal’Intendënza ladina a Balsan.

La proa scrita dl ejam gnará fata ai 3 de forá 2020. La domanda mëss gní fata cun le formular aposta che é da ciafé te vigni direziun de scolina y scora y che mëss gní mené al’Intendënza Ladina, strada Binder 29, 39100 Balsan. Le termin por dé jö la domanda toma dales 12:00 en vëndres, ai 10 de jená 2020.

L’Istitut ladin "Micurá de Rü" mët a jí te sües sëntes cursc por se arjigné al ejam de ladin. I candidac interessá/les candidates interessades pó se informé diretamënter pro l’Istitut Ladin "Micurá de Rü" (sënta te Sëlva 0471- 794268, sënta a San Martin de Tor 0474 - 523110). Le curs é debann.

Por de plü informaziuns sön l’iscriziun y les modalités dl ejam prëibel vijité la plata internet dl’Intendënza y Cultura ladina.

 

USP/ASP/san