Consulta culturela per la grupa de rujeneda ladina: ultima senteda

La Repartizion Aministrazion dla scola y cultura ladina lascia al savëi che l’ultima senteda dla Consulta culturela per la grupa de rujeneda ladina per chëst’ann ie ai 12 de nuvëmber.

La dumandes de contribut per nvestimënc culturei, proiec culturei, ativiteies artistiches, contribuc sëuraprò y per publicazions possa unì dates ju nchina ai 10 de nuvëmber 2019 per posta o pec ala Provinzia Autonoma de Bulsan-Südtirol, Ufize Cultura ladina y Junëza 18.2, str. Bottai 29, 39100 Bulsan.

L possa nce bele unì dat ju la dumanda per l’atività culturela 2020. Chësta dumanda possen sambën nce permò dé ju ai 31 de jené 2020. Per nfurmazions plu a puntin sun la pusciblteies de suvenzion y per giaté i formuleres, pudëis ti scrì a Culturaladina@provinica.bz.it o cherdé su al numer de tel. 0471- 417021.

La Consulta culturela per la grupa de rujeneda ladina ie metuda adum dal assessëur Daniel Alfreider sciche presidënt, i autri cumëmbri ie Christa Kasslatter, Sabine Piazza, Konrad Tavella y Ludwig Rindler. La Consulta dà ju n bënsté sun uni dumanda de contribut che reverda nvestimënc culturei, proiec culturei, ativiteies artistiches y l’atività culturela anuela.

USP/ASP/san