LaĆiasa dl Parch Natural por le Parch Natural Fanes – Senes – Braies é gnüda fata sö a Al Plan de Mareo tla Val dai Tamersc. Tl’alzada a tera ciàfon l’entrada, sciöche inće le post d’informaziun, le post zentral por jì te dötes les atres alzades. Söles rampes a spirala ti vëgnel dè ai vijitadus - tres n sistem de scines por vetrines y lercs de esposiziun – informaziuns söla genesa dles Dolomites, söi corëć, les munts y les laûrs de Conturines.
Tles ćianoes vëgn le vijitadù impröma condüt te na imitaziuns dl Ander dles Conturines, te chëra che al é reperć, films sura i laûrs d’escavaziun y n schelet dles laûrs de Conturines. Da chilò demez röion tl gran salf olache al vëgn tratè chisc argomënć: biotops, carateristiches particolares dl Parch Natural, archeologia por mituns.
Sö alt ciafon n post d’informaziun computerisé dà n gröm de informaziuns söla natöra y la contrada de Südtirol. Punt zentral dl’alzada dessura é la mostra de tiers viënć. Tl terrarium pon ćiarè ite da döes perts: n iade danite (despartì da na scëiba de vider) y spo ćiamò da lassöjö deache al é fat a na manira che an po pestè lassura. Implü él inće ćiamò na mësa cun n microscop, n ćiantun arjigné ite cun aredamënt por mituns y cun na cassëta de jüć. Al vëgn inće cuntè les liëndes ladines tres dessëgns fać sön peza y al é inće n jüch söles pedies di tiers y na biblioteca.

dello , reperti ossei originali e viene mostrato un filmato video.

» Vijita virtuala ala Ciasa dl Parch Natural

Orars de daurida: da Nadè 2009 cina fin de merz 2010, dai 4 de mà cina ai 30 de otober 2010 y da Nadè 2010 a fin de merz 2011, dal mertesc ala sabeda, dales 9:30 ales 12:30 y dales 16:00 ales 19:00. De messè y d’agost él inće la domënia davert. Da sëra: ti mëisc de messè y agost é la Ćiasa dl Parch Natural daverta vigni mercui dales 21:00 ales 22.30. Misciun: Ćiasa dl Parch Natural Fanes – Senes – Braies Strada Catarina Lanz, 96 39030 Al Plan de Mareo Tel.: 0474/506120 Fax: 0474/506585 E-Mail: info.fsp@provinz.bz.it Entrada lëdia!

Katherina Kastlunger, Responsabla por la Ćiasa dl Parch Natural Fanes – Senes – Braies