 |
| |
| Propostes por jì sö por munt |
|
- Pröma proposta: Capanna Alpina (1.726 m) - Col de Loćia (2.069 m) - Gran Fanes (2.104 m) - Lêch de Limo (2.159 m) - Ütia de Fanes (2.060) - Lêch de Piciodel (1.820 m) - Ütia de Pederü (1.548 m)
- Secunda proposta: Hotel Pragser Wildsee (1.520 m ) - Alte Kaser (1.751 m) - Üties de Fojedöra (2.114 m) - Lêch de Fojedöra (2.252 m) - Hotel Pragser Wildsee (1.520 m)
- Terza proposta: Lêch de Toblach (1.258 m) - Trogerhöfe - Trogeralm (1.631 m) - Suesriedl (2.013 m) - Sarlsattel (2.230 m) - Sarlkofel (2.378 m) - Sarlhütte (1.720 m) - Toblacher See (1.258 m)
- Cuarta proposta: Ostaria Plätzwiese (1.991 m) - Gaiseleite - Obere Roß-Hütte (2.142 m) - Fossesriedl (2.332 m) - Ütia Biella (2.327 m) - Lêch de Fosses (2.142 m) - Socroda – Forcela Lerosa (1.995 m) – Lêch de Rufiedo (1.504 m) - Knappenfußtal - Ostaria Plätzwiese (1.991 m)
|
| Escurjiuns virtuales tl parch natural |
| Pröma proposta: Capanna Alpina (1.726 m) - Col de Loćia (2.069 m) - Gran Fanes (2.104 m) - Lêch de Limo (2.159 m) - Ütia de Fanes (2.060) - Lêch de Piciodel (1.820 m) - Ütia de Pederü (1.548 m) |
|
 Da San Ćiascian tla Val Badia tolon la strada che condüj söl Ju de Valparola, röion do zirca 3 km söla strada laterala che condüj ala "Capanna Alpina". Chilò chìron fora por la miù le tru che va a man dërta dla ćiavara dal saorun devers dla Capanna Alpina. Ti jon do al tru nr. 11, passon tres i pecëis y i pici pra dl Plan de Furćia. Da dailò demez pëia ia le tru ërt devers de Col de Loćia (2.069 m), che condüj amesa i crëps de Fanes, de Ćiampestrin y de Conturines y röia ćina sö dal Ju dal’Ega. Do n tòch da plan tres la munt de Fanes röion do da 3 ores pro la ütia de Fanes. Bel plan pëion spo söpert, cuntra le Lêch de Limo. Cun le Ju de Limo arjunjon le punt plü alt de chësc iade interessant. Do che an é rovà jö dala ütia de Fanes, van dala ütia demez söl tru nr. 7, che condüj al Lêch de Piciodel. Cun le tru che va jöpert, se röia chësta escurjiun pro la Ütia de Pederü tla Val dai Tamersc.
|
|
Dorada:
|
6 - 7 ores |
|
|
Deslivel:
|
500 m |
|
|
Degré de dificolté: |
escurjiun saurida |
|
| |
| Secunda proposta: Hotel Pragser Wildsee (1.520 m) - Alte Kaser (1.751 m) - Üties de Fojedöra (2.114 m) - Lêch de Fojedöra (2.252 m) - Hotel Pragser Wildsee (1.520 m). |
|
An pëia ia dal conesciü Lêch de Braies, che an po arjunje inće cun le bus da Toblach o da Niederdorf. I fajun la roda a vest dl lêch, da olache i ojun spo a man dërta söl tru nr. 19 tla “Grünwaldtal”. Do n pice tòch ërt rovunse tla Munt dla Grünwaldtal y spo pro la "Ütia di iagri". Da chilò inant mët man n tòch ërt n pü’ sfadius tla direziun dles "Üties de Fojedöra". Ćina chilò adóron plü o manco 3 ores. Da Fojedöra inant restunse söl tru che se condüj sot n’assosta. Ilò junse spo a man dërta y passun ia na picia costa ćina a rové pro le Lêch de Fojedöra. Por jì zoruch tolunse le medemo tru. I mius da jì po jì inant söl tru nr. 6 söl Ju Padures. Da ilò inant tolon le tru nr. 61 che passa sot al "Mauerkopf" jö dala "Kaseralm". Da ilò inant vara zoruch söl tru nr. 20 y an röia tl post olache i sun pià ia: al Lêch de Braies.
|
|
Dorada: |
5 - 6 ores |
|
|
Deslivel: |
800 m |
|
|
Degré de dificolté: |
escurjiun saurida |
|
| |
| Terza proposta: Lêch de Toblach (1.258 m) - Trogerhöfe - Trogeralm (1.631 m) - Suesriedl (2.013) - Sarlsattel (2.230 m) - Sarlkofel (2.378 m) - Sarlhütte (1.720 m) - Lêch de Toblach (1.258 m) |
|
 Chësta escurjiun po gnì fata pian ia da de plü posć tles vijinanzes de Toblach. An po pié ia dal Lêch de Toblach, dales siëies o dala Rienz dlungia Toblach. Da düć trëi i posć van devers di "Trogerhöfe" passan por pra y bosć y jon spo söl tru nr. 16 inant sö dala "Trogeralm" (1.631 m), situada söl confin dl Parch Natural. Sura i "Trogerhöfe" vëigon i "Trogergraben". Chësc é n post olache an po odëi les sorts desvalies di sedimënć de pera. Do n tòch de tru scialdi ërt röion sö dal "Suesriedl" (2.013 m) bel sot al "Sarlkofel". Do n pice tòch da plan cun le nr. 33 vëgnel spo n tòch scialdi sfadius de na buna mesora, ćina sö dal "Sarlsattel" (2.230 m). Dal "Sarlsattel" van spo ia dal "Sarlriedl" (2.099 m); da dailò demez mostra le tru nr. 14 a man ciampa jö tla val "Sarltal" jö dala ütia "Sarlhütte". Tres na strada forestala röion indô derevers al Lêch de Toblach.
|
|
Dorada: |
7 - 8 ores |
|
|
Deslivel: |
1.100 m |
|
|
Degré de dificolté: |
escurjiun de dificolté mesana, al ô ester na certa condiziun |
|
| |
| ICuarta proposta: Ostaria Plätzwiese (1.991 m) - Gaiseleite - Obere Roß-Hütte (2.142 m) - Fossesriedl (2.332 m) - Ütia Biella (2.327 m) - Lêch de Fosses (2.142 m) - Socroda – Forcela Lerosa (1.995 m) – Lêch de Rufiedo (1.504 m) - Knappenfußtal - Ostaria Plätzwiese (1.991 m) |
|
An pëia ia dala Ostaria Plätzwiese nia dalunc dal’ultima fermada dl bus a "Brückele". Söl tru nr. 3 van jö dai pra de "Plätzwiese", passa ia le rü, che nasc a ost dl dlacià de Crëp Alt, y an va spo sö tla direziun "Gumpalböden". Jon söl’altavia passon ia indolater les avareles de Crëp Alt, dla "Schlechtgaisl" y dla Croda Rossa Pizora.
Inant condüj spo le tru nr. 3 incër le col a nord dla Remeda Rossa ćina al „Campo Latino“. Chilò ôjon a man ćiampa söl tru nr. 28, da olache an röia söla piza dla Forcela Fossesriedl. Söla sëmena che passa por la cresta a ost dla "Ofenmauer" röion defata sö dala Ütia Biella. Chi che n’é nia ćiamò stanć po jì inant sön Sas dla Porta (2.810).
An tol le tru nr. 26, che condüj jö dai lêć de Fosses y spo sura n pice ju ia dal proscimo fop dl lêch dla Remeda Rossa ćina che an röia pro la incrujada de „Crosc del Grisc“. Da jì jö por la Val de Gotres (tru nr. 8) él saurì y an röia te n cört tëmp söla strada statala tles vijinanzes de Rufiedo. Do che an à passè ia chësta localité van zirca n chilometer inant söla trassa vedla dla ferata che va paralelamënter (nr. 208) ćina a rové tl „Gemärk“. Da chilò demez van do le tru nr. 18, che va sura le gran giarun de Colfiedo y la Val dei Canope indô sö dala „Plätzwiese“.
|
|
Dorada: |
10 - 12
ores
(escurjiun de dui dis) |
|
|
Deslivel: |
1.250 m |
|
|
Degré de dificolté: |
escurjiun de dificolté mesana |
|
|
|
|
| |
