Zertificać da jì cun l’auto por zitadins de stać che n’alda nia pro la UE

N sorvisc dl'aministraziun provinziala de Südtirol

Descriziun generala

Le zertificat da jì cun l’auto zertifichëia che n zitadin che n’alda nia pro la UE vëgn tut sö da na firma de trasport tl respet dles desposiziuns iuridiches y di contrać coletifs. Düć i zitadins che n’alda nia pro la UE y che laôra tl trasport internazional mëss mostrè sö chësc zertificat dal 19.03.2003 incà.

Le zertificat da jì cun l’auto é a inom y de proprieté dl datur de laûr.

Al vëgn scrit fora te trëi copies:

  • öna na copia ti resta ala sënta dla firma o ala sënta olache le ciafêr é gnü inćiarié regolarmënter. Pro lauranć a rode resta le zertificat da jì cun l’auto tla sënta dla firma, olache le ciafêr é efetivamënter tut sö;
  • öna na copia ti vëgn surandada da pert dl datur de laûr al laurant, che vëgn dè dant por inom tl zertificat;
  • öna na copia resta tl Ispetorat dl laûr o tl sorvisc d’ispeziun responsabl por chël raiun olache al é gnü scrit fora le zertificat.

Le zertificat da jì cun l’auto vëgn scrit fora dal Ispetorat dl laûr o dal sorvisc d’ispeziun responsabl por chël raiun en relaziun ala sënta iuridica dl datur de laûr o ala sënta operativa, olache le laurant é gnü tut sö regolarmënter. Tl caje de laûr a rode vëgnel stabilì l’ofize por scrì fora le zertificat en conscidraziun dla sënta operativa dl’aziënda, olache le ciafêr laôra efetivamënter.

Le zertificat da jì cun l’auto ne mëss nia ma gnì damanè por lauranć dependënć y lauranć a rode mo inće por chisc ciafers:

  • le patrun dl’aziënda, le rapresentant legal o l’assozié de na firma de trasport
  • mëmbri de familia che laôra para o por assozià ströms
  • mëmbri dl’assoziaziun che laôra

Ti caji suandënć é le datur de laûr oblié da dè atira derevers le zertificat:

  • sce al manćia öna dles condiziuns che jô debojëgn por scrì fora le zertificat (p.ej. la fin dl raport de laûr);
  • tomanza dl zertificat

Le zertificat da jì cun l’auto ti mëss gnì mostrè ai organns de control. Vigni ann vëgnel controlè le 20% di zertificać scrić fora. Sce al salta fora iregolaritês po i organns de control retrà le zertificat.

Por scrì fora le zertificat da jì cun l’auto mëss le patrun/le rapresentant legal fà na domanda cun n martl da bol da euro 16,00. Pro la domanda él da injuntè:

  • n martl da bol da euro 16,00 por vigni atestat che vëgn damanè;
  • la lizënza dla Uniun Europeica por le trasport internazional de marćianzia sön strada aladô dl Regolamënt (CEE) n. 881/92;
  • l’atestat de sojornanza dl ciafêr (sce al vëgn presentè na copia messaràl gnì presentè l’original tl tëmp de trënta dis da canche al é gnü scrit fora l’atestat)
  • na lëtra d’assunziun cun la indicaziun dl numer de matricola surandè y dl contrat coletif apliché;
  • la comunicaziun de assunziun al Ofize Osservaziun dl marćé dl Laûr (ma canche l’assunziun ne resultëia nia bele tl Ispetorat dl laûr on-line);
  • la cherta che desmostra l’ultim paiamënt (sce ara va)
  • i ultims dui modì DM 10/2 y i versamënć revardënć (F24);
  • tl caje che le ciafêr n’ais nia n raport de laûr subordiné messarà le damanant dè jö döta la documentaziun che dëida desmostrè che le ciafêr à respetivamënter la cualité de patrun de na firma individuala, de aministradù dla sozieté, de mëmber dla sozieté de porsones dl trasportadù, de colaboradù familiar dl trasportadù, de assozié en partezipaziun ala sozieté dl trasportadù, o mëmber laurënt dla cooperativa dl trasportadù;
  • tl caje de laûr a rode mëss la firma che dà da laûr presentè inće le contrat relatif por le laûr a rode.
  • cherta de cualificaziun dl zitadin extracomunitar.

N martl da bol da ero 16,00 por vigni atestat damanè.

Regolamënt (CE) n. 484/2002 dl Parlamënt y dl Consëi europeich dl 1. de merz dl 2002 de mudaziun dl regolamënt (CEE) n. 881/92 y (CE) n. 3118/93 dl Consëi por istituì n zertificat da jì cun l'auto.

Bitte beachten Sie die spezifischen Informationen der Gemeinden / der Bezirksgemeinschaften.

(Sorvisc actualisá ai: 06/10/2017)