Lizënza de laûr por zitadins de stać che n’alda nia pro la UE

N sorvisc dl'aministraziun provinziala de Südtirol

Descriziun generala

Les laurantes y i lauranć di paîsc che n'alda nia pro l'UE à debojëgn de na lizënza de laûr y de n'autorisaziun de sojornanza por podëi laurè tla Talia.

Les laurantes y i lauranć di paîsc che alda pro l'UE ne n'à nia debojëgn dla lizënza de laûr por rové pormez al marćé dl laûr talian.

Dal 2010 incà po les domandes de lizënza de laûr ma plü gnì damanades tres internet, do s'avëi scrit ite sön www.interno.it.

Le gran vantaje de chësta prozedöra é che i formulars po inće gnì scrić fora dan la publicaziun dl decret sön l'imigraziun, mo la trasmisciun é ma conzedüda do la jüda en forza dl decret.

Les domandes sön papier ne vëgn nia plü azetades y ne vëgn nia plü elaborades.

Les domandes ortiades tres internet vëgn coiüdes adöm dal Ministêr dl Intern che les ortia inant ales Provinzies de competënza. Les domandes vëgn elaborades dales Provinzies deboriada cun la cuestöra por podëi ti relascè les lizënzes de laûr ai daturs de laûr. Pornanche i arać positifs é gnüs dà jö, vëgn la domanda y la proposta de contrat de sojornanza menades inant ales ambasciades y ai consolać talians, a na moda che le zitadin forest pois gnì tla Talia cun le visum d'entrada por rajuns de laûr.

Le laurant/la lauranta mëss sotescrì tl tëmp de ot dis da canche al/ara é rové/rovada tla Talia le contrat de sojornanza pro l'ofize sorvisc dl laûr y damanè do l'autorisaziun de sojornanza por posta ala cuestöra. Impormò dailò podarà le raport de laûr scomencè.

La condiziun por ciafè la lizënza de laûr é che al vëgnes publiché vigni ann le decret di imigrà, che dà dant le numer mascim de cuotes d’imigraziun por gaujes de laûr.

Ćiara lista tla domanda de autorisaziun al laûr

L’anuzaziun de chësc sorvisc é debann.

(Sorvisc actualisá ai: 06/03/2014)

Ënt competënt

19.3. Ofize Sorvisc laûr
Palazzo 12, via Canonico Michael Gamper 1, 39100 Balsan
Telefonn: 0471 41 86 00
0471 41 86 01
E-mail: as@provinz.bz.it
PEC: as.sl@pec.prov.bz.it
Plata internet: http://www.provinz.bz.it/arbeit

Orar por la jënt:

Lönesc, mertesc, mercui, vëndres: 9.00 - 12.00
Jöbia: 8.30 - 13.00 y 14.00 - 17.30

Terminns

I terminns por dè jö les domandes por la lizënza de laûr vëgn fissà tl decret dla imigraziun che vëgn fora vigni ann.