Vai al contenuto principale Vai alla navigazione principale Vai alla navigazione secondaria

Davani minim soziel
N servisc dl raion cumprensoriel

Vai pormez ai formulars

Descriziun generala

Jënt sëula y families à la rejon de giapé na soma de basa per sudesfé i bujëns fundamentei de vita coche l’alimentazion, l furnimënt, l’igiena y la sanità dla persona. Chi che ne n’à nia a despusizion chësc davani minim pò fé dumanda pra l’assistënza ecunomica soziela per giapé paià la deferënza dla soma a arjonjer l davani minim soziel. La premissa per giapé l aiut finanziel ie na valutazion de bujën fata ala menuda dl damandant y de si familia, pra chëla che l vën nce metù su deberieda n prugram individuel per ruvé inò a na autonomia finanziela. Mé sce i mesuns dl damandant y de si familia ie sot ai bujëns recunesciui, vën l damandant cunscidrà coche persona cun bujën de aiut y giapa la prestazion. Ëila y si familia muessa fé pea ativamënter al prugram.

La prestazion de paiamënt per l davani minim soziel vën de regula cunzeduda per alplù sies mënsc y vën paiëda ora uni mëns. Sce la situazion ecunomica dla familia ne se à te chësc tëmp nia miurà, muessen fé danuef dumanda. Tan aut y coche l vën cunzedù l davani minim soziel ie definì avisa dala lege y vën avalià uni ann dala Jonta pruvinziela.

Per l ann 2014 pò na persona che viv da sëula giapé alplù € 600,20, na familia cun doi persones € 785,30, cater persones € 1.100,00 y n.i.

Condiziuns d’azès

La persones nunziedes tlo dessot à la rejon de giapé prestazions de assistënza economica sce les sta, dan fé na dumanda, da almanco sies mënsc stabilmënter y tresora te Südtirol:

a) zitadins talians

b) zitadins de n stat dla Union europeica

c) zitadins de stac terc cun na permiscion de permanënza-Ue a tëmp lonch data ora dala Talia

d) persones a chëles che l ti ie unit recunesciù l status de muciadifs

e) persones a chëles che l ti ie unit recunesciù l status de defendura sussidiera.

Oradechël à nce chësta persones rejon de giapé la prestazins de assistënza economica, sce dan fé na dumanda àles si residënza anagrafica permanënta y stabila da almanco sies mënsc te Südtirol:

a) zitadins de stac terc

b) persones zënza zitadinanza.

Terminns

Te uni mumënt iel mesun fé dumanda pra l Servisc soziel cumpetënt – Servisc de assistënza ecunomica soziela.

Sce la dumanda per l servisc de assistënza ecunomica soziela vën presenteda dan l 21 ejim di dl mëns, vën la prestazion paiëda ora dal prim di de chël medem mëns. Sce la dumanda vën al incontra presenteda do l 20 ejim di dl mëns, vën la prestazion paiëda ora pian via dal prim di dl mëns do.

Documënć che va debojëgn

A) DOMANDA PRESTAZIUN DE TERZO LIVEL

B) „Autozertificazion de bujën de cura

C) „Autozertificazion genitor singul

Cosć

  La nuzazion de chësc servisc ie gratis.

Referimënt a normes de lege; regolamënć

Regulamënt d’esecuzion en cont di pruvedimënc de assistënza ecunomica soziela y dl paiamënt dla tarifes ti servijes soziei: Decrët dl Presidënt dla Jonta pruvinziela di 11 de agost dl 2000, nr. 30, tla verscion en forza

Regolamënt sön le relevamënt unifiché dl davagn y dl patrimoni: Decret dl Presidënt dla Provinzia di 11 de jenà dl 2011, n. 2

Plata internet:

Per d'autra nfurmazions prions bel de jì sun la plata dla istituzion cumpetënta per chësc servisc.

Ënt competënt

Sozialsprengel Obervinschgau
Sozialsprengel Obervinschgau

Unité aministrativa competënta

Finanzielle Sozialhilfe

Misciun

Marktweg 4, 39024 Mals

Telefonn

0473 83 60 00

Fax

0473 83 60 06

E-mail

infosprengelmals@bzgvin.it

Plata internet

http://www.bzgvin.it/

(Atualisà ai: 09/01/2014)